हाम्रो खेलकुद – शहिद स्मारक ‘बि’ डिभिजन लिग अन्तर्गत भोली बढुवा हुने होडमा रहेका रानीपोखरी कर्नर टिम (आरसीटि) र न्यु रोड टिम (एनआरटि) भिड्दै छन्।
गतसाल ‘ए’ बाट ‘बि’मा घटुवा भएका यी दुई टोलीलाई लिगको सुरुवातबाटै बढुवा हुने टोलीको रुपमा हेरिएको थियो। ए डिभिजनका खेलाडीको बाहुल्यता रहेको दुवै टोली जित आत्मसात गर्न आतुर छन्।
एनआरटिले १८ अंक जोडेको छ भने आरसिटी १६ अंक जोड्दै चौथो स्थानमा छ। लिगको शिर्ष स्थानमा श्री कुमारी २०अंक र च्यासल १९ अंक सहित दोश्रोमा रहेको छ।
आरसिटीले जित हात पार्न नसके बढुवा हुने लक्ष्य धमिलिने देखिन्छ। एनआरटि भने जितसंगै शिर्ष स्थानमा पुग्ने दाउमा हुनेछ।
खेल दिनको ३:३० बजे एन्फा कम्पलेक्स, सातदोबाटोमा हुनेछ।
