इङ्लिश फुटबल लिगमा म्यान्चेस्टर युनाइटेडले नोर्थह्याम्टन टाउन सङ ३-१जितको नतिजा निकाल्न सफल भएको छ । १८ बर्षिय मार्कस रास्फर्डको गोल र असिस्टमा युनाइटेडले नोर्थह्याम्टन बिरुद्ध ३-१ को जित निकालेको हो ।

युनाइटेडको जितमा माइकल क्यारिक , हरेरा र रास्फर्ड सबैले एक एक गोल गरे । यसघी नोर्थह्याम्टनले ड्यानी ब्लिण्डले आफ्नो डि बक्समा गरेको फलमा पाएको पेनाल्टी सदुपयोग गर्दै क्यारिकको गोल बराबर गरेको थियो ।

अर्को खेलमा म्यान्चेस्टर सिटीले स्वान्सीसङ २-१ को जित निकाल्यो । क्लिची र एलिक्स गार्सियाको गोलमा २ गोलको अग्रता लिएको सिटी ९० मिनेटको स्वान्सी मिड्फिल्डर सिगुड्सनको गोलमा २-१ को अन्तिम नतिजा निकाल्न सफल भयो ।

अन्य खेलहरुमा टोटेन्ह्यामले एरिक्सनको दुइ गोलामा गिलिङ्हाम बिरुद्ध ५-० को सहज जित दर्ता गर्न सफल भयो । त्यस्तै सन्डरल्यान्डले क्युन्स पार्क्स रेन्जर्स , साउथह्याम्टनले क्रीस्टल प्यालेस , वेस्ट ह्यामले एक्रीङ्टन इस्ट्यान्ली र हल सिटिले स्टोक सिटिलाई हराए ।