बार्सिलोनाको प्रशिक्षक लुइस इन्रीकेको भनाइलाई अर्थ दिदै मेस्सी बिनाको बार्सिलोनाले स्पोर्टिङ गिजोन बिरुद्ध फराकिलो जित हात पारेको छ ।
बार्सिलोना ले अवे खेलमा स्पोर्टिङ गिजोन बिरुद्ध ५-०को फराकिलो जित हासिल गर्दै ला लिगा मा आफ्नो फर्म वापस ल्याउन सफल भएको छ । चोटको कारण करिब ३ हप्ता मेस्सी बिना ओर्लनु पर्ने बार्सिलोना को लागी स्वारेज्, टुरान , राफिना र नेमारले गोल गरे ।
खेलको आधा घण्टा भन्दा अघी टुरानको असिस्टमा गोल गर्दै स्वारेजले बार्सिलोनालाई अग्रता दिलाए । त्यसको दुइ मिनेट पछी सर्जियो रोबर्टोको क्रसमा हेडर मार्फत गोल गर्दै राफिनोले बार्सिलोनालको अग्रता दोब्बर गर्दै बार्सालाई सहज जित तर्फ डोहोर्याए ।
खेलको अन्तिम १० मिनेटमा बार्सिलोनाले ३ गोल गर्न सफल भयो । नेमारले ८१ मिनेटमा गोल गर्दै बार्सिलोनालाई तेस्रो गोल दिलाए भने टुरानले ८५ मिनेटमा गोल गरे । त्यस्तै ८८ मिनेटमा गोल गर्दै नेमार ले बार्सिलोनालाई पाचौ गोल दिलाए ।
