इङ्लिश प्रीमियर लिगा अन्तर्गतको खेलमा लिभरपुलले १० खेलाडिमा सिमित रहेको हल सिटी बिरुद्ध ५-१ को जित नतिजा निकाल्न सफल भएको छ । लिभरपुलको जितमा फिलिपे कोउटिन्होले उत्कृष्ट गोल गर्दै एक असिस्ट दिन सफल भए ।
त्यस्तै सुरुको खेलमा म्यान्चेस्टर युनाइटेडले डिफेन्डिङ च्याम्पियन लेस्टर सिटी बिरुद्ध ४-१ को सहज जित दर्ता गर्न सफल भयो । स्मलिङ , माटा, रास्फोर्ड र पोग्बाले गोल गरेको खेलमा संसारको सबै भन्दा महङा खेलाडी पोग्बाले युनाइटेडको जर्सिमा आफ्नो हाल सम्मकै सबै भन्दा राम्रो प्रदर्शन दिन सफल भए ।
त्यस्तौ सर्जियो अगेरो आफ्नो निलम्बन पुरा गरेर फर्किदा म्यान्चेटर सिटिले स्वान्सी सिटी सङ १-३ ले जित्दै यस सिजनमा लगातार ६ खेल जित्न सफल भयो । सिटिको जितमा अगेरोले २ र स्टेर्लिङले १ गोल गरे ।
अर्को खेलमा २-० ले पछी परेको कृस्टल प्यालेसले उल्लेखनीय कम्ब्याक गर्दै सन्डर्ल्यान्ड बिरुद्ध ३-२ को जित हासिल गर्यो भने बोउर्नेमोथले इभर्टोन बिरुद्ध १-० को जित नतिजा निकाल्यो । अघिल्लो सिजन तेस्रो स्थानमा रहेको टोटेन्ह्यामले नवप्रवेशी मिडल्स्ब्रोलाई अवे खेलमा २-१ ले जितो । टोटेन्ह्यामको लागी दुबै गोल सनले गरे । अन्य खेलमा स्टोक सिटी र वेस्ट ब्रोम १-१ को बराबर मा चित्त बुझाउदै अंक बाडे ।
