हाम्रो खेलकुद – स्पेनिश ला लिगा अन्तर्गत शनिबार राती भएको खेलमा रियल म्याड्रिडले लास पाल्माससंग २-२को बराबरी खेलेको छ।
दुईपटक अग्रता लिएको अवस्था गुमाउँदै रियलले पाल्माससंग अंक बाँड्न बाध्य भएको हो। रियलको लागि एसेन्सियो र करिम बेन्जेमाले गोल गरेका थिए।
२-१को अग्रता लिइरहेको अवस्थामा प्रशिक्षक जिदानले रोनाल्डोलाई ७२औं मिनेटमा परिवर्तन गरेका थिए। म्याड्रिड पुगेयता रोनाल्डो पहिलोपल्ट वैकल्पिक खेलाडिलाई स्थान दिन बाहिरिएका हुन्।
बार्सिलोनाले सहज विजय हात पारेको दिन रियलले अंक गुमाएपछि अब दुई क्लबबिच एक अंकको फरक छ। म्याड्रिड १४अंक बोकेर लिगको शिर्ष स्थानमा छ।
