यानिक्क फरैरा-कारास्कोको एक मात्र गोलमा एथ्लेटिको म्याड्रीडले आफ्नो होममा जर्मनको च्याम्पियन बायर्न म्युनिकलाई हराउन सफल भएको छ ।
च्यम्पियन्स लिगको समुह ‘डि’ अन्तर्गतको खेलमा कारास्कोले ३५ मिनेटमा एथ्लेटिको म्याड्रीडलाई अग्रता दिलाएका थिए । म्याड्रीडले पेनाल्टी मार्फत ८४ मिनेटमा अग्रता दोब्बर गर्ने मौका पाएपनी एन्टोनियो गृज्म्यानले पेनाल्टी मिस गरे पछी एथ्लेटिकोको जित १-० मा सिमित भएको हो ।
समुहको अर्को खेलमा रोस्टोभ र पिएस्भी इन्ढोभेन २-२ को बराबरी खेल्दै अंक बाडे ।
अन्य खेलहरुमा न्यापोलिले बेन्फिका बिरुद्ध ४-२ को जित हात पार्यो । त्यस्तै समुह ‘बि’ को अर्को खेलमा बेसिक्टास र डाइनामो किभ बिचक खेल १-१ को बराबरिमा सकियो ।
