एजेन्सी – इंग्लिस प्रिमियर लिगमा आज राति विभिन्न ५ खेलमा प्रतिस्पर्धा हुदा म्यानचेस्टर युनाइटेडले घरेलु मैदानमा एभर्टनको आतथ्यता गर्दैछ । खेल ओल्ड ट्राफर्डमा नेपाली समयअनुसार राति १ः४५ बजे हुनेछ ।

घरेलु मैदानमा हुने खेलमा युनाइटेड एभर्टनलाई हराउदै शीर्षस्थानको म्यानचेस्टर सिटीसँगको अंक बराबरी गर्ने लक्ष्यमा हुनेछ । युनाइटेडको २२ खेलबाट ४४ अंक छ । एक खेल कम खेलेको शीर्षस्थानको सिटीको ४७ अंक छ ।अघिल्लो खेलमा साउथह्याम्टनमाथि फराकिलो जित दर्ता गरेको युनाइटेड सोही लयलाई निरन्तरता दिने दाउमा हुनेछ ।

टोलीसँग एन्थोनी मार्सियाल, मार्कुसर रासफोर्ड, ब्रुनो फर्नान्डेस, मासन ग्रीनवुड, स्कट म्याकटोमिने, लुका सा, ह्यारी मगाएर, फ्रेड, भिक्टर लिन्डेलफ, आरोन वान बिशाखा र गोलरक्षक डेभिड हे गेयाको साथ रहेको छ । यस्तै टोलीसँग इरिक बेइली, इडिन्सन काभानी, डोनी भान डि विक, पल पोग्वा, नेमान्जा माटिच र ड्यानियल जेम्सको पनि साथ रहेको छ ।

यता, एभर्टन पनि युनाइटेडलाई उसकै मैदानमा स्तब्ध पार्दै अंक तालिका सुधार गर्ने दाउमा हुनेछ । एभर्टन २० खेलबाट ३६ अंक जोडेर सातौ स्थानमा रहेको छ । युनाइटेडलाई हराउन सकेको अवस्थामा अर्काे खेलमा वेस्ट ह्याम पराजित भए एभर्टन पाँचौ स्थानमा उक्लने छ ।

टोलीसँग डोमिनिक काल्भर्ट लेविन, रिचार्लीसन, गिल्फी सिगुर्डसन, एलेक्स इओवी, आन्द्रे गोमेज, एब्डोउलाए डोउकोउरे, लुकास डिग्ने, यारी मिना, बिन गुडफ्रे, मिचेल किन, मासन होल्गेट र गोलरक्षक ओल्सेन रहेको छ । हामेस रोड्रिग्वेज, टोम डेभिस र जोसुवा किङ पनि टोलीमा रहँदा चोटका कारण पहिलो रोजाईका गोलरक्षक जोर्डन पिकफोर्ड र एलान टोली हुनेछैन ।

यि दुई टोलीको पछिल्लो २४ खेलको नतिजामा युनाइटेड १२ खेलमा विजयी भएको छ । ५ खेल एभर्टनले आफ्नो पक्षमा पार्दा ७ खेल बराबरीमा सकिएको छ ।

युनाइटेड २१ अप्रिल २०२१ मा ४–० ले पराजित भएयता पछिल्लो ४ खेलमा अपराजित छ । जसमा २ जित र दुई बराबरीको नजिता छ ।

अन्य खेल
एस्टन भिल्लाविरुद्ध आर्सनल (साँझ ६ः१५ बजे), बर्नलेविरुद्ध ब्राइटन (राति ८ः४५ बजे), न्युक्यासलविरुद्ध साउथह्याम्टन (राति ८ः४५ बजे) र फुलहमविरुद्ध वेस्ट ह्याम (राति ११ः१५ बजे)