विराटनगर (हाम्रो खेलकुद) – आयोजक मोरङको झरना युवा क्लब सुन्दर हरैचामा जारी प्रथम प्रदेश स्तरिय नकआउट फुटबल प्रतियोगिताको सेमिफाइनलमा प्रवशे गरेका छ । आफ्नै जिल्लाको लेटाङ फुटबल क्लबलाई सडन डेथमा हराउँदै झरना अन्तिम चारमा पुगेको हो ।

निर्धारित समय खेल १–१ को बराबरीमा टुंगिएको थियो । टाइब्रेकरमा पनि बराबरीपछि सडन डेथमा झरनाले बाजी मारेको थियो । खेलको छैटौं मिनेटमा शिशिर लेखीको गोलबाट झरनाले अग्रता लिएको थियो । मिक्चेन तामाङले ३२ औं मिनेटमा बराबरी गोल फर्काएका थिए ।

पेनाल्टीमा झरनाका निरज बस्नेत, साइमन्ड लिम्बु, निशान सुब्बा,दोर्जे लामा,मनोज राई, अशोक खवास, निशान लिम्बु र उमेश राईले गोल गरे । पदम भट्टराईको प्रहारलाई विपक्षी गोलकिपरले रोकेका थिए ।

लेटाङका लागि मिक्चन, अभिषेक लिम्बु, एकराज बुढाथोकी, मनिष थापा, उमेश कार्की, शुसन तामाङ र किरण लिम्बुले गोल गरे । राज कुमार कन्दड्गवा र सुभाष तामाङको प्रहार विपक्षी गोलकिपरले जोगाएका थिए ।

झरनाका पूर्ण चेम्जोङ खेलको म्यान अफ दी म्याच घोषित भए । सुन्दर हरैचा नगरपालिका वडा नं ९ का अध्यक्ष राजकुमार कार्कीले पूर्णलाई २ हजार १ सय रुपैयाँ प्राप्त गरे । प्रतियोगिताको मंगलबार हुने क्वार्टरफाइनलमा धरान सिटी फुटबल एकेडेमी सुनसरी र डागीहाट फुटबल क्लब मोरङबीच प्रतिस्पर्धा हुनेछ ।