3 years ago
March 26, 2021
एजेन्सी – कतार विश्वकप २०२२ को युरोपियन छनोटको पहिलो खेलमा इटालीले सहज जित निकाल्दा स्पेन बराबरीमा रोकिएको छ ।बिहीबार राति भएको खेलमा इटालीले नर्दन आयरल्यान्डलाई २–० ले पराजित गरेको हो । स्टेडियो इनिओ टार्डिनी पार्मा इटालीमा भएको खेलमा घरेलु टोलीको जितमा डोनिनिको बेरारडी र सिरो इमोविलले गोल गरे । दुवै गोल पहिलो हाफमा सम्भव भएको […]
एजेन्सी – कतार विश्वकप २०२२ को युरोपियन छनोटको पहिलो खेलमा इटालीले सहज जित निकाल्दा स्पेन बराबरीमा रोकिएको छ ।बिहीबार राति भएको खेलमा इटालीले नर्दन आयरल्यान्डलाई २–० ले पराजित गरेको हो ।
स्टेडियो इनिओ टार्डिनी पार्मा इटालीमा भएको खेलमा घरेलु टोलीको जितमा डोनिनिको बेरारडी र सिरो इमोविलले गोल गरे । दुवै गोल पहिलो हाफमा सम्भव भएको थियो । खेलका चौथो मिनेटमा डोमिनिको बेरारडीको गोलबाट इटालीले १–० को अग्रता लिएको थियो । उनले एलेसान्द्रो फ्लोरेन्जीको पासमा गोल गरेका थिए ।
३९औं मिनेटमा सिरो इमोविलेले गोल गर्दै इटालीलाई पहिलो हाफमा २–० को अग्रता दिलाए । उनले लोरेन्जो इन्सिग्नेको पासमा गोल गरेका थिए । दोस्रो हाफमा थप गोल निस्कन नसक्दा पहिलो हाफको दुई गोल नै इटालीको जितमा पर्याप्त बन्यो ।
यही समूह ‘सी’ को अर्काे खेलमा स्वीट्जरल्यान्डले बुल्गेरियालाई उसकै मैदानमा ३–१ ले पराजित गरेको छ । स्वीट्जरल्यान्डको जितमा ब्रिल इम्वोलो, ह्यारिस सेफेरोभिक र स्टेभेन जुवेरले गोल गरे । घरेलु टोलीका किरिल डेस्पोडोभले एक गोल फर्काए ।
यो नतिजापछि स्वीट्जरल्यान्ड र इटालीको समान ३ अंक भएपनि गोल अन्तरमा स्वीट्जरल्यान्ड शीर्षस्थानमा तथा इटाली दोस्रो स्थानमा रहेको छ । बुल्गेरिया र नर्दन आयरल्यान्ड चौथो र पाँचौ स्थानमा रहँदा लिथुआनिया तेस्रो स्थानमा रहेको छ ।
यस्तै विश्वकप छनोटकै अर्काे खेलमा स्पेनले अग्रता जोगाउन नसक्दा ग्रीससँग १–१ गोलको बराबरी खेल्दै अंक बाँडेका छन् । स्पेनका अल्भारो मोराटाले कोकीको पासमा ३३औं मिनेटमा गोल गर्दा ग्रीसका एनास्टासिअस बाकासेटासले पेनाल्टीमार्फत बराबरी गोल फर्काएका थिए ।
यही समूहको अर्काे खेलमा स्वीडेनले जर्जियालाई १–० ले पराजित गरेको छ । स्वीडेनको जितमा भिक्टोर क्लाइसनले पहिलो हाफमा गरेको गोल नै निर्णायक बन्यो । उनले खेलको ३५औं मिनेटमा ज्लाटन इब्राहिमोभिचको पासमा गोल गरेका थिए । यसै खेलमार्फत ३९ वर्षीय भेट्रान ज्लाटन इब्राहिमोभिचले सन्यासको निर्णय फिर्ता लिदै ५ वर्षपछि स्वीडेनका लागि पहिलो खेल खेल्दै गोलको लागि असिस्ट दिए ।
जितपछि समुह ‘बी’ मा स्वीडेन ३ अंक जोडेर शीर्षस्थानमा रहेको छ । १ अंक जोडेको ग्रीस दोस्रो तथा स्पेन तेस्रो स्थानमा रहेको छ । अंकविहीन कोसोभो चौथो तथा जर्जिया पाँचौ स्थानमा रहेको छ ।
अन्य नजिता
समूह ‘बी’ – स्पेनविरुद्ध ग्रीस (१–१), स्वीडेनविरुद्ध जर्जिया (१–०)
समूह ‘सी’ – बुल्गेरियाविरुद्ध स्वीट्जरल्यान्ड (१–३), इटालीविरुद्ध नर्दन आयरल्यान्ड (२–०)
समुह ‘एफ’ – माल्दोभाविरुद्ध फारोइ आयरल्यान्ड (१–१), स्कटल्यान्डविरुद्ध अष्ट्रिया (२–२), इजरायलविरुद्ध डेनमार्क (०–२),
समूह ‘आई’ – एन्डोराविरुद्ध अल्वानिया (०–१), इंग्ल्यान्डविरुद्ध सान मारिनो (५–० बजे), हंगेरीविरुद्ध पोल्यान्ड (३–३)
समूह ‘जे’ – जर्मनीविरुद्ध आइसल्यान्ड (३–०), लिचेस्टाइनविरुद्ध अर्मेनिया (०–१), रोमानियाविरुद्ध नर्दन आयरल्यान्ड (३–२)
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]