3 years ago
March 27, 2021
काठमाडौं (हाम्रो खेलकुद)– थ्री नेसन्स कपमा बंगलादेशविरुद्धको खेलमा म्यान अफ दी म्याच घोषित नेपाली राष्ट्रिय टोलीका सदस्य रोहित चन्दले आफूलाई रक्षापंक्तिमा खेल्न सहज भएको बताएका छन् । राष्ट्रिय टोलीमा रक्षकबाटै खेल्न सुरु गरेको रोहितलाई पछि प्रशिक्षकले बक्स टु बक्स मिडफिल्डरका रुपमा प्रयोग गरेका थिए । त्यो पोजिसनमा पनि उनले उच्च प्रदर्शन गर्थे । थ्री नेसन्स कपमा […]
काठमाडौं (हाम्रो खेलकुद)– थ्री नेसन्स कपमा बंगलादेशविरुद्धको खेलमा म्यान अफ दी म्याच घोषित नेपाली राष्ट्रिय टोलीका सदस्य रोहित चन्दले आफूलाई रक्षापंक्तिमा खेल्न सहज भएको बताएका छन् ।
राष्ट्रिय टोलीमा रक्षकबाटै खेल्न सुरु गरेको रोहितलाई पछि प्रशिक्षकले बक्स टु बक्स मिडफिल्डरका रुपमा प्रयोग गरेका थिए । त्यो पोजिसनमा पनि उनले उच्च प्रदर्शन गर्थे । थ्री नेसन्स कपमा भने प्रशिक्षक बालगोपाल महर्जनले उनलाई सेन्टर डिफेन्डरको भूमिकामा उतारे । त्यसो त उनी लामो समयदेखि राष्ट्रिय टोलीमा रहँदा डिफेन्डरकै रुपमा प्रशिक्षण गरिरहेका थिए ।
रोहितले किर्गिस्तान यू २३ सँगको खेल होस् वा बंगलादेश दुवैमा उच्च प्रदर्शन गरे । भरपर्दा रोहित जस्तै परिस्थितिमा पनि दबाबमुक्त भएर खेल्न सक्ने क्षमता राख्छन् । दुवै खेलमा एकरुपताको प्रदर्शन गरेका रोहित बंगलादेशविरुद्धको खेलमा म्यान अफ दी म्याच घोषित भए । उनले २ सय ५० अमेरिकी डलरसहित ट्रफी प्राप्त गरे । पूर्व प्रधानमन्त्री माधवकुमार नेपालले उनलाई ट्रफी हस्तान्तरण गरे ।
‘झन्डै ६ महिनादेखि डिफेन्समै अभ्यास गरिरहेको छु । त्यसैले यसमा पनि सहज नै लागेको छ,’ शनिबार पोष्ट म्याच कन्फ्रेन्समा रोहितले भने, ‘टोलीको आवश्यकता अनुसार खेल्ने हो । मिडफिल्डमा पनि मैले आफूले सक्दो राम्रो गर्न प्रयास गरेको थिए ।’ रोहितसँगै रहेका प्रशिक्षक महर्जनले पनि रोहितको तारिफ गरे । ‘खेलाडीले टोलीको आवश्यकता अनुसार खेल्न सक्नुपर्दछ, त्यसमा रोहित एक हुन्,’ उनले भने ।
रोहित झन्डै एकदशक यता विदेशी भूमिका व्यवासायिक फुटबल खेल्दै आएका छन् । २०६८ मा मछिन्द्र क्लबबाट ए डिभिजन लिग खेलेका रोहित त्यसपछि निरन्तर विदेशमा खेल्दै आएका छन् । आई लिग र मलेसिायबाट समेत खेलेका रोहित लामो समयदेखि इन्डानेसियाको पर्सिजा जाकार्ताबाट खेल्दै आएका छन् । सन् २०१८ मा जाकार्ताले लिग जित्दा रोहित लिगकै सर्वोत्कृष्ट खेलाडी घोषित भएका थिए ।
लगातार दोस्रो खेलमा गोलरहित बराबरी खेल्दै नेपाली टोली थ्री नेसन्स कपको फाइनलमा पुगेको छ । शनिबार बंगलादेश र त्यसअघि बिहीबार किर्गिस्तान यू २३ दुवैसँग नेपालले गोलरहित बराबरी खेलेको थियो । पहिलो खेलमा बंगलादेशले किर्गिस्तालाई १–० ले हराएको थियो । नेपाल र किर्गिस्तानको बराबरीपछि नै बंगलादेश फाइनलमा पुगेको थियो । नेपाल र बंगलादेशबीच सोमबार फाइनल हुनेछ ।
May 4, 2024
एजेन्सी – इंग्लिश प्रिमियर लिगको शीर्ष स्थानमा रहेको टोली आर्सनलले बर्नमाउथलाई पराजित गरेको छ । शनिबार भएको दिनको पहिलो खेलमा आर्सनल ३-० ले विजयी भएको हो । आक्रामक खेल प्रदर्शन गरेतापनि आर्सनलले अग्रता लिन पहिलो हाफको अन्त्य कुर्नु परेको थियो । बर्नमाउथका गोलरक्षक मार्क ट्राभर्सले काई हाभर्ट्ज माथि फाउल गरेपछि पाएको पेनाल्टीमा गोल गर्दै बुकायो […]
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले पहिलो खेलमा गोलरहित बराबरी खेलेको छ । एल्डरशट स्थित मिलिटरी स्टेडियममा भएको खेलमा नेपालले ब्रिटिश आर्मी टोली विरुद्ध गोलरहित बराबरी खेलेको हो । नेपाली टोली भिसा ढिलो आएका कारण अन्योलमा रहेको खेल अन्त्यमा तालिका अनुसार नै अघि बढेको थियो । खेल अवधिभर नेपाली टोली […]
May 3, 2024
काठमाडौं (हाम्रो खेलकुद) – सहिद स्मारक सि डिभिजन लिग अन्तर्गत शुक्रबार सम्पन्न खेलहरुमा समाज कल्याण खेलकुद केन्द्र र स्पोर्ट्स एकेडेमी साँगा विजयी भएका छन् । एन्फा कम्प्लेक्स सातदोबाटोमा भएको दिनको पहिलो खेलमा समाज कल्याणले साँगा माथि ५-० को फराकिलो जित दर्ता गरेको हो । समाज कल्याणको जितमा सुजन चौधरीले ह्याट्रिक पूरा गरे। यस्तै रोजल दाहालले […]