एजेन्सी – मिडफिल्डरद्धय मार्कुस रासफोर्ड र मासन ग्रीनवुडको गोल मद्दतमा म्यानचेस्टर युनाइटेडले इंग्लिस प्रिमियर लिगमा ब्राइटनमाथि २–१ को पूनरागमन जित दर्ता गरेको छ ।

म्याचेस्टरकै पुर्व फरवार्ड ड्यानी वेलवेकको गोल सान्त्वना बन्यो । ओल्ड ट्राफोर्डमा आइतबार राति भएको खेलमा पाहुना टोली ब्राइटनले खेलको १३औं मिनेटमा ड्यानी वेलवेकको गोलबाट अग्रता लिएको थियो ।

पल पोग्वाको गल्तीको फाइदा उठाउदै ननिल मोउपेले मिलाइदिएको पासमा वेलवेकले आरोन वान बिशाखालाई बिट गर्दै गरेको प्रहारलाई गोलरक्षक डिन हेन्डरसनले नियन्त्रणमा लिन नसकेको बललाई रिवाउन्ड वेलवेकले गोल गरेका थिए ।

१–० ले पछि परेको म्यानचेस्टरले त्यसपछि ब्राइटनलाई दवावमा राखेपनि गोलको लागि दोस्रो हाफ नै कुर्नुपरेको थियो । ६२औं मिनेटमा मार्कुस रासफोर्डले गोल गर्दै खेललाई १–१ गोलको बराबरीमा ल्याए । उनले ब्रुनो फर्नान्डेसको पासमा गोल गरेका थिए ।

६५औं मिनेटमा आरोना वान बिशाखाको पासमा मासन ग्रीन वुडले गोल गर्न नसक्दा युनाइटेडले अग्रता लिन सकेन । ७०औं मिनेटमा मोउपेले काउन्टर अट्याकमा प्रयास गरेपनि सफल हुन सकेन ।

७६औं मिनेटमा ब्रुनो फर्नान्डेसको लो पावरफुल प्रहारलाई ब्राइटनका गोलरक्षक रोबर्ट सान्चेजले नियन्त्रणमा लिन नसक्दा जेम्सको पासमा ग्रीनवुडको प्रहार पोस्ट नजिकैबाट बाहिरियो । ८३औं मिनेटमा पल पोग्वाको पासमा मासन ग्रीनवुडले गोल गर्दै युनाइटेडलाई २–१ को जित दिलाए ।

जितसँगै दोस्रो स्थानमा रहेको म्यानचेस्टर युनाइटेडको ३० खेलबाट ६० अंक पुगेको छ । युनाइटेड शीर्षस्थानको म्यानचेस्टर सिटी भन्दा १४ अंकले पछि छ । पराजित ब्राइटन ३२ अंक जोडेर १६औं स्थानमा रहेको छ ।

प्रिमियर लिगकै अर्काे खेलमा साउथह्याम्टनले बर्नलेलाई ३–२ ले तथा एस्टन भिल्लाले फुलहमलाई ३–१ ले पराजित गर्दा टोटेनहम न्युक्यासलसँग २–२ गोलको बराबरीमा रोकिएको छ ।