एजेन्सी – इटालियन सिरी ‘ए’ मा एएस रोमाले क्रोटोनमाथि ५–० को सानदार जित निकालेको छ । घरेलु मैदानमा आइतबार राति भएको खेलमा रोमाको फराकिलो जितमा बोर्जा मायोरल र लोरेन्जो पेलिग्रेनीले समान २ तथा हेनरिक मिख्तरयानले एक गोल थपे ।

सबै ५ गोल दोस्रो हाफमा सम्भव भएको थियो । दोस्रो हाफको सुरुवातसँगै गोलको खाता खोलेको रोमाले खेलको अन्त्य सम्म पनि जारी राख्यो । ४७औं मिनेटमा बोर्जा मायोरलको गोलबाट रोमाले अग्रता लिएको थियो । उनले हेनरिक मिख्तरयानको पासमा गोल गरेका थिए ।

७०औं मिनेटमा लोरेन्जो पेलिग्रेनीले डाभिड सान्टनको पासमा गोल गर्दै रोमाको अग्रता दोब्बर पारे । ७३औं मिनेटमा लोरेन्जोले हेनरिककै पासमा व्यक्तिगत दोस्रो गोल गरेपछि रोमा सहज जिततर्फ अग्रसर बन्यो ।

दुई गोलमा असिस्ट दिएका हेनरिक मिख्तरयानले ७८औं मिनेटमा रिक कार्सड्रपको पासमा गोल गर्दै रोमालाई ४–० ले अघि बढाए । ९०औं मिनेटमा बोर्जा मायोरलले व्यक्तिगत दोस्रो गोल गर्दै रोमालाई फराकिलो जित दिलाए ।

जितसँगै रोमा २५ खेलबाट ५८ अंक जोडेर सातौ स्थानमा उक्लिएको छ । पराजित क्रोटोन १८ अंक जोडेर पुछारमा रहेको छ । क्रोटोन रेलिगेसनमा परिसकेको छ ।

अन्य खेल :

जिनोआविरुद्ध सस्सुलो (१–२)

बेनोभेन्टोविरुद्ध काग्लिएरी (१–३)

हेलास भेरोनाविरुद्ध टोरिनो (१–१)

पार्माविरुद्ध एटलान्टा (२–५)

युभेन्टसविरुद्ध मिलान (०–३)