एजेन्सी – रियल म्याड्रिडका मिडफिल्डर टोनी क्रुसले ला लिगामा आइतबार एथलेटिक बिल्बाओविरुद्धको खेल गुमाएका थिए । कारण उनी आइसोलेसनमा थिए । परिक्षणपछि उनमा कोरोना संक्रमण पुष्टी भएपछि उनले क्वारिन्टिनमै बस्नु पर्ने भएको छ ।

रियलले ला लिगामा आइतबार खेल्ने भिल्लारियलविरुद्धको खेलमा क्रुस हुने छैनन् । यसको अर्थ उनका लागि जारी सिजन टुंगिएको छ । जिनेदिन जिदानको टोलीमा क्रुस एकरुपताको प्रदर्शन गर्ने मुख्य खेलाडीमा पर्छन् । अन्तिम खेलबाट टोली च्याम्पियन बन्न सफल भएको खण्डमा पनि त्यो समारोहलाई जर्मन मिडफिल्डर घरमै बसेर हेर्नुपर्ने भएको छ ।

रियलले प्रेस विज्ञती जारी गर्दै भनेको छ, ‘क्रुसलाई कोरोना पोजेटिभ देखिएको शुक्रबादेखि नै उनी आइसोलेनमा छन् । संक्रमितसँग प्रत्यक्ष सम्पर्कमा रहेका कारण उनी आइसोलेसनमा थिए ।’

आइतबार एथ्लेटिक क्लबलाई १–० ले हराउँदै उपाधि जित्ने सम्भावनालाई यथावत राखेको छ । यद्दपी आफूले जितेर मात्र रियल च्याम्पियन हुने अवस्था भने छैन । शीर्षस्थानको एटलेटिको म्याड्रिडको रियलको भन्दा २ अंक बढी छ ।

आइतबार एकै समयमा भएको खेलमा एटलेटिकोले ओसासुनलाई २–१ ले हराएको थियो । सेल्टा भिगोसँग २–१ ले पराजित भएसँगै तेस्रो स्थानको बार्सिलोना भने उपाधि दौडबाट बाहिरिएको छ । एटलेटिकोको ८३, रियलको ८१ र बार्सिलोनाको ७६ अंक छ ।