एजेन्सी – ह्यारी केन टोनेनहम छोड्ने मनस्थितिमा पुगेको यसअघि नै सार्वजनिक भइसकेको छ । उनलाई पेप ग्वार्डिओलाको म्यान्चेस्टर सिटीले भित्र्याउन चाहिरहेको बुझिएको छ ।

टोटनहम कप्तान समेत रहेका केन सुरुवा बजार खुलाको लागि प्रतिक्षारत रहेको बेलायतका संचारमाध्यमले जनाएका थिए । केन आफैंले यसै साता अन्तर्वार्तामार्फत आफ्नो भविष्य अहिले प्रष्ट नरहेको उल्लेख गरेका थिए । यद्यपि केन र क्लबका मालिक डानिल लेभीबीच सिजनको अन्त्यपछि क्लब छाड्ने विषयमा मौखिक सहमति भएको बुझिएको छ ।

केनको यो मनसायसँगै सिटीले उनको उपलब्धताको बारेमा चासो खारेको थियो । पछिल्लोपटक केनले गरेको ६ वर्षे सम्झौतामा केनको २ वर्ष टुंगिएको छ । टोटेनहमले चाहेको खण्डमा भने आफ्ना फरवार्डलाई रोक्न सक्छ । तर मोटो रकम आएमा क्लब उनलाई जान दिने पक्षमा पनि छ । उनलाई १ सय ७५ मिलियन युरो खर्चेर खर्च गरेर पनि राख्ने प्रयास हुने आंकलन गरिएको छ ।

केहि सञ्चारमाध्यमले म्यानचेस्टर सिटीले ग्राबिएल जेसससँग केहि रकम थपेर साट्ने योजनामा रहेको पनि उल्लेख गरेका छन् । सिटीले भने केन आबद्ध भएको खण्डमा ब्राजिलियनलाई केहि पछाडि भूमिकामा खेलाउने सम्भवना रहन्छ । सर्जियो अगुएरोले क्लब छाडेपछि सिटी फरवार्डको खोजीमा छ । यसैपनि सिटीले यस सिजन अधिकांश खेलमा फरवार्डविना खेलेको छ ।

प्रिमियर लिग च्याम्पियन सिटीले बोरुसिया डर्टमुन्डका इर्लिङ हालान्ड लिने योजना बनाएको उल्लेख गरिएको छ । तर त्यो संभवाना निकै न्यून देखिन्छ ।