एजेन्सी – एसियाली पावर हाउस जापानले फिफा विश्वकप कतार २०२२ र एसियन कप २०२३ को छनोट खेलमा आफ्नो अपराजित यात्रालाई निरन्तरता दिदा ताजिकिस्तानलाई पराजित गरेको छ ।

घरेलु मैदानमा जापानले ताजिकिस्तानमाथि ४–१ को फराकिलो जित हात निकालेको हो । जापानको जितमा क्योगो फुरुहासी, ताकुमी मिनामिनो, केन्तो हासीमोतो र हायाओ कावावेले गोल गरे । ताजिकिस्तानका एक्सोनी पान्डसान्वीको गोल सान्त्वना बन्यो ।

सुइटा सिटी फुटबल स्टेडियम सइटा जापानमा सोमबार भएको खेलमा घरेलु टोलीले खेलको छैटौ मिनेटमा क्योगो फुरुहासीको गोलबाट अग्रता लिएको थियो । तर जापानको त्यो अग्रता लामो समय टिकेन । नवौं मिनेटमा एक्सोनी पान्डसान्वीले गोल गर्दै खेललाई १–१ गोलको बराबरीमा ल्याए ।

४०औं मिनेटमा लोनमा इंग्लिस क्लब साउथह्याम्टनबाट खेलिरहेका लिभरपुलका सेन्ट्रल मिडफिल्डर ताकुमी मिनामिनोले गोल गर्दै जापानलाई पहिलो हाफमा २–१ को अग्रता दिलाए । उनले जापानका लागि सुरुवाती गोल गरेका क्योगो फुरुहासीको पासमा गोल गरेका थिए । ५१औं मिनेटमा केन्तो हासीमोतोले गोल गर्दै जापानलाई ३–१ ले अघि बढाए । ७१औं मिनेटमा हायाओ कावावेले गोल गर्दै जापानलाई ४–१ को फराकिलो जित दिलाए ।

जितपछि समूह ‘एफ’ मा अपराजित रहेको जापानले ७ खेलबाट २१ अंक जोड्दै आफ्नो शीर्षतालाई थप मजवुत बनाएको छ । शुरुवाती ६ खेलमा क्लिन सिट राखेको जापानले सातौ खेलमा क्लिन सिट राख्न सकेन । जापानले विपक्षी टोलीविरुद्ध ३९ गोल गर्दा १ गोल मात्रै खाएको छ ।

यही समूह ‘एफ’को अर्काे खेलमा मंगोलियाले किर्गिस्तानमाथि १–० को महत्वपुर्ण जित निकालेको छ । मंगोलियाको जितमा ओयुनबटार मिजिददोर्जले ३४औं मिनेटमा गरेको गोल नै निर्णायक बन्यो । जितपछि पुछारमा रहेको मंगोसलियाको ८ खेलबाट ६ अंक पुगेको छ । समान ८ अंक नै रहेको म्यानमार चौथो स्थानमा रहेको छ । म्यानमारले दुइृ खेल कम खेलेको छ । मंगोलियासँग हार बेहोरेको किर्गिस्तानको ६ खेलबाट ७ अंक छ ।