एजेन्सी– प्रशिक्षक कार्लो एन्सेलोटीले रियल म्याड्रिडको आफ्नो दोस्रो कार्यकालमा पनि केरिम बेन्जेमा महत्वपूर्ण खेलाडीका रुपमा रहने प्रष्ट पारेका छन् ।

सन् २०१८ मा सुपर स्टार क्रिस्टियानो रोनाल्डोले रियल छाडेपछि त्यसले टोलीलाई संकट पर्ने अनुमान गरिएको थियो । तर, त्यस्तो अवस्थाबाट बेन्जेमाले अग्रपक्तिलाई सम्हालेका छन् । रोनाल्डोका जस्तै सिजनमा ५० गोल नगरेपनि नं ९ बेन्जेमाले निरन्तर राम्रो प्रदर्शन गर्दै आएका छन् ।

बेन्जेमाले रियलका समर्थकलाई निराश हुन दिएका छैनन् । रोनाल्डो गएपछि उनले अग्रपक्तिको मोर्चालाई सफल ढंगले सम्हाल्दै आएका छन् । रोनाल्डोले छाडेपछिको तीन सिजनमा बेन्जेमाले क्रमशः ३०,२७ र गएको सिजनमा फेरि ३० गोल गरेका छन् ।

जोसे माउरिन्होको कार्यकालमा २०११-१२ को सिजनमा रियलका लागि गोल गर्न सुरु गरेको बेन्जेमाले ३२ वर्षको उमेरमा पनि आफ्नो फर्मलाई कायम राखेका छन् । एन्सेलोटीको पहिलो कार्यकाल (२०१३ देखि २०१५ सम्म) मा बेन्जेमाले २४ गोल र २२ गोल गरेका थिए ।

रियलमा बेन्जेमाको भूमिका फरक रहँदै आएका छन् । रोनाल्डो र ग्यारेथ बेल हुँदा पनि बेन्जेमाको महत्वपूर्ण थियो । उनले जहिले पनि टोलीका अन्य आक्रमण सम्हालेका खेलाडीलाई सहयोगी गरिरहेका छन् । त्यति बेला उनले १६ र १५ एसिस्ट गरेका थिए । पछिल्लो समयमा आएर उनी टोलीको मुख्य स्ट्राइकरको भूमिकामा एसिस्टको संख्या भने कम भएको छ । पछिल्लो सिजन उनले ९ एसिस्ट गरेका थिए ।

अहिले बेन्जेमाको फरक भूमिका भइराख्दा बेन्जेमा रियल सम्हाल्न पुगेका छन् । क्लिनिकल गोलकर्तासँगै अवसर सिर्जना गर्ने र पास निकाल्ने खेलाडी हुन् । हरेक सिजन ५० गोल नगरेपछि बेन्जेमा रियलको सफलताका लागि आउने सिजनमा पनि महत्वपूर्ण खेलाडी रहने विश्वास गर्न सकिन्छ । पछिल्ला वर्षहरुमा बेन्जेमाले आफूलाई त्यसरी नै प्रमाणित गरेका छन् ।