एजेन्सी – युरोपेली च्याम्पियनसिसपको समुह चरणको दोस्रो खेलमा आज राति उपाधि दावेदार बेल्जियमले अन्डरडगको छवि बनाएको डेनमार्कको सामना गर्दैछ ।

खेल डेनमार्कको घरेलु मैदान तेलिया पार्केन कोपेनहेगनमा नेपाली समयअनुसार राति ९:४५ बजे हुनेछ । घरेलु मैदानमा हुने खेलमा डेनमार्क बलियो बेल्जियमलाई स्तब्ध पार्दै समूह चरण पार गर्ने सम्भावनालाई जीवितै राख्न चहान्छ । फिनल्यान्डसँग पहिलो खेलमा हार बेहोरेको डेनमार्कले बेल्जियमसँग बराबरी या हार भोगेको अवस्थामा समूह चरण पार गर्ने सम्भावना झिनो बन्नेछ । यो समूह ‘बी’ मा बेल्जियम, रसिया र फिनल्यान्डको समान ३ अंक रहँदा डेनमार्क अंकविहीन छ ।

बलियो बेल्जियमविरुद्ध मैदान उत्रँदा डेनमार्कलाई उसको स्टार फरवार्ड क्रिस्टियन एरिक्सनको अभाव खड्कनेछ । उनी फिनल्यान्डविरुद्धको खेलको पहिलो हाफको अन्त्यतिर बल लिने क्रममा अघि बढ्दै गदौ अचेत भई अकस्मात मैदानमा ढलेका थिए । उक्त घट्नापछि टोलीले शारीरिक र मानसिक रुपमा धैर्यता गुमाउँदा खेल पनि १–० ले गुमाएको थियो । उनी अहिले अस्पतालमा स्वास्थ्यलाभ गरिरहेका छन् ।

तर, डेनमार्क एरिक्सनको उक्त घटनालाई बिर्सदै बेल्जियमविरुद्ध बलियो मनस्थितिमा मैदान उत्रनेछ । टोलीसँग कास्पर डोलवर्ग, मार्टिन ब्रेथवेट, म्याथियस यान्सेन, युस्सुफ पउलसेन, थोमस डिलाने, पिएरे इमिल होएबिएर, आन्द्रेस क्रिस्टेन्सेन, कप्तान सिमोन केयर र गोलरक्षक कास्पर स्माइकलको साथ रहेको छ ।

यता, बलियो बेल्जियम रसियामाथिको सहज जितलाई डेनमार्कविरुद्ध पनि दिन चाहन्छ । डेनमार्कलाई हराउन सके बेल्जियमको नकआृट चरण पुग्ने सम्भावना बलियो बन्नेछ । बराबरी या हारले समूहमा चारै टोलीको नकआउट चरण पुग्ने सम्भावना खुल्ला हुनेछ ।

टोलीसँग लयमा रहेका रोमेलु लुकाकु, ड्रिएस मेर्टिन्स, इडन हाजार्ड, थोगर्न हाजार्ड, युरी टिलेमान्स,थोमस म्युनियर, थोमस भमाईलेन, डेडरेक बोयाटा, टोवी एल्डरवेइरेल्ड र गोलरक्षक थिवाउट कोर्टुवाको साथ रहेको छ । यसबाहेक टोलीसँग जेरेमी डोकु, मिची बात्सुयाई, क्रिस्टियन बेन्टेके, यान्निक कारास्को र डेनिस प्राएट रहँदा मिडफिल्डर केभिन डि ब्रुएनले चोटबाट पूनरागमन गर्न सक्नेछन् ।

लुकाकुको लागि यो खेल अनौठो हुनेछ । एरिक्सन इन्टर मिलानमा उनका सहयात्री हुन् । उनले रसियाविरुद्ध दुई गोल गरेपछि क्रिस्टियन, बलियो हुनु हामी तिमीलाई माया गर्छाै भनेका थिए । अब यिनै लुकाकुको काम डेनमार्कलाई रोक्ने लक्ष्यमा हुनेछ । खेलको दशौं मिनेटमा बल बाहिर फ्याँकेर दुवै टोलीले एरिक्सनको सम्मानमा ताली बजाउने लुकाकुले बताएका छन् ।

यि दुई टोलीको पछिल्लो दुवै भेटमा बेल्जियम विजयी भएको छ । गत सेप्टेम्वरमा भएको नेसन्स लिगमा २–० को जित निकालेको बेल्जियमले त्यसपछि नोभेम्वरमा ४–२ को जित निकालेको थियो ।