एजेन्सी – युरोपेली च्याम्पियनसिपमा आज राति समूह चरणका विभिन्न चार खेलमा प्रतिस्पर्धा हुँदा अपराजित बेल्जियमले फिनल्यान्डसँग खेल्नेछ ।

समूह ‘बी’ को उक्त खेल नेपाली समयअनुसार एकै समयमा राति १२:४५ बजे हुनेछ । सेन्ट पिटर्सवर्गमा हुने खेलमा अन्तिम १६ मा स्थान पक्का गरेको बेल्जियमले बराबरी मात्र गरेपनि शीर्षस्थान हासिल गर्नेछ । बेल्जियमलाई हराउन सके फिनल्यान्ड अघिल्लो चरण प्रवेश गर्नेछ ।

यदि बराबरीमा रोकिएको खण्डमा रसियाले हार्नुपर्नेछ । रसिया र फिनल्यान्डको समान ३ अंक छ । रसिया र डेनमार्कले बराबरी खेल्दा फिनल्यान्डले पनि बेल्जियमसँग बराबरी खेल्दा फिनल्यान्ड उत्कृष्ट तेस्रो टोलीको रुपमा असघ बढ्न सम्भावना रहन्छ ।

आफ्नो नतिजासहित अर्काे नतिजामा पनि भर पर्नुपर्ने फिनल्यान्ड आफ्नो खेलमा जित निकाल्ने लक्ष्यमा हुनेछ । टोलीसँग टिमु पुकी, जोइल पोहानपालो, रोविन लोड, जुक्का राइटाला, ग्लेन कामरा, जोन्ना टोइभो र गोलरक्षक लुकास ह्राडेकी टोलीमा रहेको छ ।

यता, बेल्जियम समूहमा लगातार तेस्रो जित निकाल्ने लक्ष्यमा मैदान उत्रनेछ । सोही कारण टोलीले पहिलो रोजाईकै खेलाडीलाई अवसर दिन सक्नेछ । टोलीसँग रोमेलु लुकाकु, इडेन हाजार्ड, केभिन ड्रि ब्रुएन, यान्निक कारस्को, युरी टिलेमँनस र थिवाउट कोर्टुवा लगायतको खेलाडीको साथ रहेको छ ।

यि दुई टोलीको पछिल्लो तीन भेटमा बेल्जियमले फिनल्यान्डलाई हराउन सकेको छैन । पछिल्लो दुई खेलमा १–१ गोलको बराबरीको नतिजा निस्कदा २०१० मा भएको खेलमा बेल्जियमा १–० ले स्तब्ध बनेको थियो । बेल्जियम फिनल्यान्डसँगको जितविहीन यात्रालाई टुंग्याउने दाउमा रहँदा फिनल्यान्ड अपराजित यात्रालाइ निरन्तरता दिने लक्ष्यमा हुनेछ ।