एजेन्सी – कोपा अमेरिका कपको समूह चरणको खेलमा बिहीबार बिहान दुई खेलमा प्रतिस्पर्धा हुँदा समूह ‘बी’ को शीर्षस्थानमा रहेको ब्राजिलले दोस्रो स्थानको कोलोम्बियासँग खेल्दैछ ।

ब्राजिल र कोलोम्बियाबीचको खेल रियो दि जेनेरियोस्थित निल्टन सान्तोष स्टेडियममा नेपाली समयअनुसार बिहीबार बिहान ५:४५ बजे हुनेछ । त्यसअघि २:४५ बजे यही समूहको अर्काे खेलमा इक्वेडर र पेरुबीच प्रतिस्पर्धा हुनेछ ।

क्वाटरफाइनलमा स्थान बनाइसकेको ब्राजिल समूहमा लगातार तेस्रो जित निकाल्ने लक्ष्यमा हुनेछ । दुई खेलमा एक गोल पनि नखाएको ब्राजिलले विपक्षी टोलीविरुद्ध ७ गोल गरिसकेको छ । पछिल्लो ८ खेलमा अपराजित रहेको ब्राजिल कोलोम्बियालाई हराउँदै अपराजित यात्राललाई लम्ब्याउने दाउमा हुनेछ ।

कोलोम्बियाविरुद्ध लयमा रहेको स्टार फरवार्ड नेयमार नै मुख्य हतियार हुनेछन् । उनले दुई खेलमा दुई गोल गरिसकेका छन् । यस्तै टोलीसँग गाब्रियल जेसस, रिचार्लीसन, रोबर्टाे फिर्मिनो, गाब्रियल बार्बाेसा, क्यासमिरो, एभर्टन रिवेइरो, फ्रेड, डुगलस लुइज, इडर मिलिसाओ, मार्किन्हस, थियागो सिल्भा, डानिलो, एलेक्स सान्द्रो र गोलरक्षकमा एलिसन बेकर र इडर्सन मोराएस रहेका छन् ।

यता, कोलोम्बिया घरेलु टोली ब्राजिलाई हराउँदै समूहमा शीर्षस्थानमा उक्लने लक्ष्यमा हुनेछ । तीन खेल खेलेको कोलोम्बियाको ४ अंक छ । पछिल्लो खेलमा कोलम्विया पेरुसँग २–१ ले स्तब्ध बनेको थियो । टोलीसँग यारी मिना, जुआन कोर्डाडो, जोन मेडिना, डाभिन्सन साञ्चेज, लुइस डियाज, लुइस मुरेइल र गोलरक्षक तथा कप्तान डेभिन ओस्पिना रहेका छन् ।

यि दुई टोलीबीचको पछिल्लो ८ भेटमा बौजिल ४ खेलमा विजयी भएको छ । ३ खेल बराबरीमा सकिँदा १ खेल कोलोम्बियाले जितेको छ ।