3 years ago
June 28, 2021
एजेन्सी – युरोपेली च्याम्पियनसिप २०२० अन्तर्गत राउन्ड अफ १६ को खेलमा सोमबार विश्व विजेता फ्रान्सले स्विट्जरल्यान्डको सामना गर्दैछ । खेल नेपाली समयअनुसार सोमबार मध्यरात १२:४५ बजे सुरु हुनेछ । फ्रान्सका प्रशिक्षक डीडीएर डेस्च्याम्प्सका लागि आजको खेलमा दुवै लेफ्ट ब्याकले चोट बोक्नु टाउको दुखाइ बन्न सक्छ । पोर्चुगलविरुद्ध खेलमा लुकास हर्नान्डेज घाइते भएपछि उनको स्थानमा आएका […]
एजेन्सी – युरोपेली च्याम्पियनसिप २०२० अन्तर्गत राउन्ड अफ १६ को खेलमा सोमबार विश्व विजेता फ्रान्सले स्विट्जरल्यान्डको सामना गर्दैछ । खेल नेपाली समयअनुसार सोमबार मध्यरात १२:४५ बजे सुरु हुनेछ ।
फ्रान्सका प्रशिक्षक डीडीएर डेस्च्याम्प्सका लागि आजको खेलमा दुवै लेफ्ट ब्याकले चोट बोक्नु टाउको दुखाइ बन्न सक्छ । पोर्चुगलविरुद्ध खेलमा लुकास हर्नान्डेज घाइते भएपछि उनको स्थानमा आएका लुकास डिग्न पनि बाहिरिन पुगेका थिए । आजको खेलमा फ्रान्सले फरक रणनीतिमा खेल्ने अपेक्षा गरिएको छ । ५-३-२ को पद्दति मा उत्रँदा फ्रान्सले बेन्जामिन पाभार्ड र एड्रिएन राबीओटलाई विंगब्याकको रुपमा प्रयोग गर्न सक्छ ।
विश्व फुटबलमा पहिलो पटक खेलाडी र प्रशिक्षकको रुपमा नै विश्वकप र युरो जित्ने प्रयासमा रहेका प्रशिक्षक डेस्च्याम्प्स स्विट्जरल्यान्डलाई कमजोर आँक्न नहुनेमा सचेत छन् । उनले फ्रान्सले उच्च प्रदर्शन गर्नुपर्नेमा जोड दिएका छन् ।
‘हामीले स्विट्जरल्यान्डलाई सहज रुपमा लिनु हुँदैन । यो नकआउट खेल हो र हामीले सक्दो सबै गर्नुपर्छ । खेलको अन्त्यमा हाम्रो अनुहारमा मुस्कान राख्न हामीले मिहिनेत गर्नुपर्छ,’ उनले भने, ‘स्विट्जरल्यान्ड राम्रो टोली हो र आक्रमणमा सेफेरिभिच, एम्बोलो र शकिरी क्षमतावन छन् ।’
फ्रान्सलाई पछिल्लो समय चोटले निकै सताएको छ । ओस्मान डेम्बेले प्रतियोगिताबाट बाहिरिंदा मार्कस थुराम र थोमस लेमार पनि चोटसँग जुधिरहेका छन् । डिग्न र हर्नान्डेज खेलमा अनुपस्थित रहने सम्भावना छ । राबिओट शत प्रतिशत फिट नभएपनि टोलीको आवश्यकता पूर्ति गर्न खेल्नेछन् ।
स्विट्जरल्यान्डले ६७ वर्षयता कुनै प्रतियोगिताको क्वाटरफाइनलमा स्थान बनाउन सकेको छैन । टर्कीविरुद्ध जितले टोलीको मनोबल उच्च रहेको छ । शाकिरीले दुई गोल गरेको खेलमा टोलीको आक्रमण निकै सन्तुलित देखिएको थियो । मिडफिल्डमा पनि ग्रानिट झाका र स्टिभन जुबरले बलियो प्रदर्शन गरेका थिए ।
स्विट्जरल्यान्डका प्रशिक्षक भ्लादिमिर पेक्टोभिचले आफ्नो बलियो पक्षको भरपुर फाइदा उठाउनु पर्नेमा जोड दिएका थिए । ‘पछिल्लो दुई वर्षमा हामीले ठूला टोलीविरुद्ध राम्रो नतिजा निकालेका छौं । हामीले आफ्नो बलियो पक्षलाई जोड दिनुपर्छ । फ्रान्सजस्तो बलियो टोलीविरुद्ध शत प्रतिशत मिहिनेत पनि पर्याप्त नहुन सक्छ । विपक्षीको गल्तीमा हामीले फाइदा उठाउन सक्नुपर्छ,’ उनले थपे ।
यस खेलको विजेताले क्वाटरफाइनलमा स्पेन र क्रोएसियाको विजेतासँग खेल्नेछ ।
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]