3 years ago
August 17, 2021
एजेन्सी – कोरोना महामारीका कारण गत वर्ष एक समय ठप्प भएको खेलकुद बिस्तारै गति लिने क्रममा छ । नेपालको हकमा भने कोरोना त्रास कायम राखेका कारण घरेलु खेलकुद चलायमान बनेको छैन । यस्तोमा नेपाली खेलप्रेमी दर्शक अन्तर्राष्ट्रिय खेलकुदमै रमाइरहेका छन् । जापानमा गत साता सम्पन्न टोकियो २०२० ओलम्पिकले पनि विश्व खेलकुद अब सामान्य अवस्थातर्फ अघि […]
एजेन्सी – कोरोना महामारीका कारण गत वर्ष एक समय ठप्प भएको खेलकुद बिस्तारै गति लिने क्रममा छ । नेपालको हकमा भने कोरोना त्रास कायम राखेका कारण घरेलु खेलकुद चलायमान बनेको छैन । यस्तोमा नेपाली खेलप्रेमी दर्शक अन्तर्राष्ट्रिय खेलकुदमै रमाइरहेका छन् ।
जापानमा गत साता सम्पन्न टोकियो २०२० ओलम्पिकले पनि विश्व खेलकुद अब सामान्य अवस्थातर्फ अघि बढ्ने संकेत दिएको छ । युरोपका शीर्ष फुटबल लिगहरु समर्थककै उपस्थितिमा हुँदा खेलको रौनक पुन फर्किएको आभास हुन थालेको छ । यसै साताबाट युरोपका शीर्ष लिग सुरु भएसँगै कोरोनाको प्रभाव हटेको आभास हुन थालेको छ । क्रिकेटमा पनि अन्तर्राष्ट्रिय सिरिज सुचारु भएका छन् ।
यसैक्रममा खेलप्रेमीको लागि अक्टोबर २४ को दिन पाँच ठूला डर्बी हुने भएको छ । फुटबलतर्फ युरोपको शीर्ष लिगमध्य ४ ठूला डर्बी हुँदा विश्व क्रिकेटकै सर्वाधिक प्रतीक्षा गरिएको खेल एकै दिन हुने भएको छ । डर्बी भन्नाले कुनैपनि लिग वा प्रतियोगितामा प्रतिस्पर्धा गर्ने छिमेकी टोली भनिन्छ । धेरैजसो भौगोलिक दुरीमा नजिक भएको टोलीबीच हुने खेललाई डर्बी भनिन्छ भने दुई ठूला सफल टोलीको इतिहास छ भनेपनि त्यसलाई डर्बीको रुपमा लिइन्छ ।
अक्टोबर २४ को दिन इंग्लिस प्रिमियर लिगमा म्यानचेस्टर युनाइटेड र लिभरपुलबीच खेल हुँदैछ । खेल नेपाली समयअनुसार रातको ९:१५ बजे सुरु हुनेछ । यो खेललाई इंग्ल्यान्डमा नर्थ वेस्ट डर्बी भनिन्छ । एकै क्षेत्रको टोली र लिग उपाधि इतिहासमा पनि नजिकको प्रतिद्वन्द्वी रहेकाले यो खेल लिगकै उत्कृष्ट मध्यमा पर्दछ ।
त्यस्तै स्पेनिस ला लिगामा सोहि दिन एल क्लासिको हुँदैछ । स्पेनिस फुटबलका सफल दुई टोली रियल म्याड्रिड र बार्सिलोना खेल्ने एल क्लासिको विश्व फुटबलले नै निकै प्रतीक्षा गर्ने खेल हो । यो खेल नेपाली समयअनुसार रातको ११:४५ बजे सुरु हुनेछ ।
इटालीमा यसै दिन उपाधिका दुई दाबेदार इन्टर मिलान र युभेन्टसबीच प्रतिस्पर्धा हुनेछ । गत सिजन इन्टरले युभेन्टसको दशक लामो वर्चस्व तोड्दै लिग उपाधि जितेको थियो । यो खेल रातको ११:१५ बजे हुने हालको तालिका रहेको छ ।
अर्को तर्फ फ्रान्सेली लिगमा मार्से र पेरिस सेन्ट जर्मेन भिड्नेछन् । अर्जेन्टिनी फरवार्ड लिओनेल मेस्सी पिएसजी पुगेपछि अब यो खेल थप रोमान्चक बन्ने पक्का छ । मार्से र पिएसजीका समर्थकबीच पटक पटक हिंसात्मक भिडन्त समेत हुने गरेको छ । यो खेल रातको ११:४५ बजे हुनेछ ।
क्रिकेटमा सोहि दिन टि२० विश्वकप अन्तर्गत भारत र पाकिस्तान खेल्दैछन् । हालसम्म विश्वकप खेलमा भारतलाई हराउन नसकेको पाकिस्तान यसपटक त्यो कीर्तिमान तोड्ने प्रयासमा हुनेछ । त्यस्तै भारत भने कोहलीको कप्तानीमा पहिलो विश्वकप जित्न आतुर छ । यो खेल नेपाली समयअनुसार रातको ७:४५ बजे सुरु हुनेछ ।
२४ अक्टोबरको खेल तालिका :
म्यान्चेस्टर युनाइटेड विरुद्ध लिभरपुल – रातको ९:१५ बजे
इन्टर मिलान विरुद्ध युभेन्टस – रातको ११:१५ बजे
बार्सिलोना विरुद्ध रियल म्याड्रिड – रातको ११:४५ बजे
मार्से विरुद्ध पिएसजी – रातको ११:४५ बजे
भारत विरुद्ध पाकिस्तान – रातको ७:४५ बजे
April 24, 2024
एजेन्सी – युभेन्ट्स कोपा इटालियाको फाइनलमा प्रवेश गरेको छ। खेलको अन्त्यतिर गोल गरेपछि समग्रमा लाजियोलाई ३-२ ले पछि पार्दै युभेन्टस अन्तिम दुईमा पुगेको हो। बुधबार भएको दोस्रो लेगमा २-१ ले पराजित भएको युभेन्ट्सले पहिलो लेगमा २-० को जित निकालेको थियो।८३ औं मिनेटमा परिवर्तित खेलाडीका रुपमा मैदान प्रवेश गरेको केही सेकेन्डमै आर्काडिउज मिलिकले गोल गरेपछि युभेन्ट्सको […]
April 24, 2024
एजेन्सी – आर्सनलले इंग्लिस प्रिमियर लिगमा ३ अंकको स्पष्ट अग्रता लिएको छ। चेल्सीलाई मंगलबार ५-० ले हराउँदै आर्सनलले दोस्रो स्थानको लिभरपुललाई ३ अंकले पछि छाडेको छ । आर्सनलको ७७ अंक छ । लिभरपुलले एक खेल कम खेलेको छ भने २ खेल कम खेलेको तेस्रो स्थानको म्यानचेस्टर सिटी ७३ अंक छ।एफए कपको सेमिफाइनलमा सिटी सँग पराजित […]
April 23, 2024
सुर्खेत (हाम्रो खेलकुद) – लुम्बिनी प्रदेशले महिला लिग छनोटमा पहिलो जित हासिल गरेको छ । उत्कृष्ट पूनरागमन गर्दै लुम्बिनीले मंगलबार बागमती प्रदेशलाई ३–१ को नतिजामा माथ दिएको हो । सर्खेतस्थित कर्णाली प्रदेश रंगशालामा भएको खेलमा पहिलो अग्रता बागमतीले बनायो। २४औं मिनेटमा सुमित्रा तामाङको गोलमा बागमती अगाडि लागेको थियो । तर यो अग्रता खेलको ४०औं मिनेटमा […]