एजेन्सी – फिफा विश्वकप कतार २०२२ को युरोपियन छनोटमा जर्मनीले आइसल्यान्डमाथि एकतर्फी जित निकालेको छ । जर्मनीले घरेलु टोलीमाथि ४–० को सहज जित हात पारेको हो ।

पहिलो र दोस्रो हाफमा समान दुई–दुई गोल निस्कदा जर्मनीको एकतर्फी जितमा सर्ज गिनाब्री, एन्टोनियो रुडिगर, लिरोए साने र टिमो वेर्नरले समान एक–एक गोल गरे ।

आइसल्यान्डमा बुधबार राति भएको खेलमा पाहुना टोली जर्मनीले खेलको चौथो मिनेटमा नै सर्ज गिनाब्रीको गोलबाट अग्रता लिएके थियो । उनले लिरोए सानेको पासमा गोल गरेका थिए । २४औं मिनेटमा योसुवा किम्मिखको पासमा एन्टोनियो रुडिगरले गोल गर्दै जर्मनीलाई पहिलो हाफमा २–० को अग्रता दिलाए ।

जर्मनीले दोस्रो हाफमा पनि दुई गोल थप्न सफल भयो । ५६औं मिनेटमा लिरोए सानेले लियोन गोरेट्जकाको पासमा गोल गर्दै जर्मनीलाई सहज जिततर्फ अघि बढाए । ६४औं मिनेटमा लियोन गोरेट्जकाले गोल गरेपनि भिएआरमा उनी अफसाइड ठहरिदा उनको गोलले मान्यता पाएन ।

८९औं मिनेटमा इंग्लिस क्लब चेल्सीका सहयात्री काई हाभर्टजको पासमा टिमो वेर्नरले गोल गर्दै जर्मनीलाई ४–० को सहज जित दिलाए । यो जितसँगै समूह ‘जे’ मा जर्मनी ६ खेलबाट १५ अंक जोडेर शीर्षस्थानमा यथावत रहेको छ । पराजित आइसल्यान्ड ४ अंक जोडेर पाँचौ स्थानमा रहेको छ ।

यही समूहको अर्काे खेलमा अर्मेनिया र लिचेस्टाइनले १–१ गोलको बराबरी तथा नर्थ म्यासेडोनिया र रोमानियाले गोलरहित बराबरी खेल्दै अंक बाँडेका छन् । यो नजितापछि अर्मेनिया ११ अंक जोडेर दोस्रे स्थानमा यथावत रहेको छ । रोमानिया १० अक जोडेर तेस्रो स्थानमा रहँदा नर्दन आयरल्यान्डको ९ तथा लिचेस्टाइनको १ अंक छ ।