एजेन्सी – जर्मन मिडफिल्डरद्धय थोमस मुलर र योसुवा किम्मिखको गोलमा बायर्न म्युनिखले जर्मन बुन्डेसलिगामा आफ्नो अपराजित यात्रालाई निरन्तरता दिदा घरेलु टोली ग्रिउथेर फर्थलाई सहजै पराजित गरेको छ ।

१० खेलाडीमा समेटिएको बायर्नले घरेलु टोलीलाई ३–१ ले पराजित गरेको हो । बायर्नले एक गोल उपहार पाउँदा ग्रिउथेर फर्थका सेडरिक इट्टेनले एक गोल फर्काए । स्पोर्टपार्क रोनहोफ थोमस सोम्मेर फर्थमा शुक्रबार राति भएको खेलमा पाहुना टोली बायर्नले खेलको १०औं मिनेटमा थोमस मुलरको गोलबाट अग्रता लिएको थियो ।

३१औं मिनेटमा योसुवा किम्मिखले लिरोए सानेको पासमा गोल गर्दै बायर्नलाई पहिलो हाफमा २–० को अग्रता दिलाए । ४८औं मिनेटमा बेन्जामिन पाभार्ड सिर्ध रातो कार्ड खाँदै मैदानबाट बाहिरिएपछि बायर्न १० खेलाडीमा सीमित बन्न पुग्दा दवावमा आएको थियो ।

तर ६८औं मिनेटमा सेवास्टिएन ग्रिसवेकले आत्मघाती गोल गरेपछि बायर्न सहज जिततर्फ अग्रसर बन्यो । निर्धारित समयको खेल सकिन २ मिनेट बाँकी रहँदा सेडरिक इट्टेनले गोल गर्दै खेललाई ३–१ को अवस्थामा ल्याएपनि घरेलु टोलीको हार टार्न सकेन ।

यो जितसँगै अपराजित रहेको बायर्न ६ खेलबाट १६ अंक जोडेर शीर्षस्थानमा रहेको छ । बायनैले एक खेल कम खेलेको वल्फ्सवगलाई ३ अंकले पछि पारेको छ । पराजित ग्रिउथेर फर्थ १ अंक जोडेर पुछारमा रहेको छ ।