कुचिङ(हाम्रो खेलकुद) – नेपालले एएफसी सोलिडारिटी कपको फाइनलमा मकाउलाई प्रतिद्वन्द्वि पाएको छ । कुचिङमा भर्खरै सम्पन्न दोस्रो सेमिफाइनलमा टाइब्रेकरमा ब्रुनाईलाई ४–३ ले हराउँदै मकाउले फाइनलमा यात्रा पक्का गरेको हो ।
निर्धारित ९० मिनेट थप समय १–१ को बराबरीमा खेलेपछि टाइब्रेकरमा मकाउले बाजी मारेको हो । त्यसअघि भएको सेमिफाइनलमा लाओसलाई टाइब्रेकरमा ३–० ले हराउँदै नेपाल फाइनल पुगेको थियो । नेपालले लाओससँग निर्धारित समय र थप समय गर २–२ को बराबरी खेलेको थियो । मकाउका प्रशिक्षकले नेपाललाई बलियो प्रतिद्वन्द्वि भएको बताएका छन् । ब्रुनाईलाई जितेपछि उनले भने,‘नेपाल बलियो टोली हो । मिडफिल्ड र स्ट्राइकर राम्रो हो ।’
