कुचिङ (हाम्री खेलकुद) – एएफसी सोलिडारिटी कप अन्तर्गत फाइनल खेलमा आज नेपाल र मकाउ उपाधिको लागि प्रतिस्पर्धा गर्दैछन।
नेपाली समयानुसार साँझ ५:१५ बजे सुरु हुने खेलको लागि नेपाल पूर्ण तयारी रहेको प्रशिक्षक ग्योतोकु कोजीले बताएका छन्। नेपालले यसअघी मकाउसंग ५ खेल खेलिसकेको छ। जसमध्य नेपालले तिन खेलमा जित हात पारेको छ भने एक खेल हरेको छ। यी दुइ टोलीले एक खेल बराबरी खेलेका छन्।
पांच खेलमा नेपालले मकाउलाई १५ गोल हानेको छ भने ७ गोल खाएको छ। नेपालको लागि निराजन रायमाझीले मकाउविरुद्ध एक्लै पांच गोल गरेका छन्। उनले मकाउविरुद्ध ह्याट्रिक पनि गरेका छन्।
