7 years ago
November 21, 2016
काठमाडौं (काठमाडौं)– राष्ट्रिय खेलकुद परिषद् (राखेप) ले अर्को महिना आयोजना गर्ने गरि सातौं राष्ट्रिय खेलकुद प्रतियोगिताका लागि नयाँ मिति तोकेको छ । राखेपको सोमबार बसेको १ सय सातौं बैठकले पूर्वानिर्धारित स्थान पूर्वाञ्चलमै पुस ८ देखि १५ गते सम्म आयोजना गर्ने निर्णय गरेको हो । राखेपले सातौं राष्ट्रिय खेलकुदका लागि मिति तोकेको यो चौथो पटक हो […]
काठमाडौं (काठमाडौं)– राष्ट्रिय खेलकुद परिषद् (राखेप) ले अर्को महिना आयोजना गर्ने गरि सातौं राष्ट्रिय खेलकुद प्रतियोगिताका लागि नयाँ मिति तोकेको छ । राखेपको सोमबार बसेको १ सय सातौं बैठकले पूर्वानिर्धारित स्थान पूर्वाञ्चलमै पुस ८ देखि १५ गते सम्म आयोजना गर्ने निर्णय गरेको हो । राखेपले सातौं राष्ट्रिय खेलकुदका लागि मिति तोकेको यो चौथो पटक हो । पछिल्लो पटक मंसिर ८ देखि १५ गते सम्मका लागि तोकिएको थियो ।
राखेपका अध्यक्ष समेत रहेका युवा तथा खेलकुद मन्त्री दलजीत विके श्रीपालीको अध्यक्षतामा सातदोबाटोमा बसेको बोर्डले क्षेत्रीय छनोट प्रतियोगिताको नयाँ मिति पनि तोकेको राखेप प्रेस सल्लाहकार रोहित दाहालले जानकारी दिए । क्षेत्रिय छनोट मंसिर २० देखि २८ गतेसम्म हुने भएको छ । यसअघि क्षेत्रीय छनोट कात्तिक २३ देखि मंसिर ३ गतेलाई तय भएको थियो । क्षेत्रीय सकिए लगत्तै राष्ट्रियलाई छनोट भएका खेलाडीको बन्द प्रशिक्षण सुरु हुनेछ ।
सातौं राष्ट्रिय खेलकुद सम्बन्धी सम्पूर्ण अधिकार राखेपका सदस्य–सचिव केशवकुमार विष्टलाई प्रदान गर्ने निर्णय भएको प्रेस सल्लाहकार दाहालले जानकारी गराए । पछि बस्ने परिषद्को बोर्ड बैठकले निर्णयलाई अनुमोदन गर्ने गरी सदस्य–सचिव विष्टलाई अधिकार दिइएको हो ।
बैठकमा सदस्य–सचिव विष्टले पूर्वाधार, सातौंका लागि गठित विभिन्न उपसमितिलगायतका काम बारे बोर्डमा जानकारी गराएका थिए । त्यस्तै बैठकले सातौंलाई सफलतापूर्वक सम्पन्न गर्न सम्पूर्ण ध्यान सातौंमा केन्द्रीत गर्ने र सातौंपछि नेपालले आयोजनाको जिम्मेवारी पाएको १३ औं दक्षिण एसियाली खेलकुद (साग) मा लाग्ने निर्णय समेत गरेको छ ।
बैठकमा खेलकुद मन्त्रालयका सचिव महेशकुमार दाहाल, सह–सचिव चूडामणि पौडेल, बोर्ड सदस्यहरु, क्षेत्रीय खेलकुद विकास समितिका अध्यक्षलगायतको उपस्थिति थियो ।
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]