काठमाडौं (हाम्रो खेलकुद) – अन्तर्राष्ट्रिय महिला दिवसको उपल्क्ष्यमा काठमाडौं जिल्ला बुद्धिचाल संघको आयोजनमा भएको दोस्रो हेरा माया श्रेष्ठ स्मृति राष्ट्रव्यापी बुद्घिचाल प्रतियोगिताको उपाधि सिन्दिरा जोशीले जितेकी छन् ।
कुल ७० हजार रुपैया पुरस्कार राशि भएको प्रतियोगितामा ७ खेलमा ५ जित र २ बराबरी संगै ६ अंकको साथ उनी विजयी भइन् । त्यसै गरि गोल्डेनगेट चेस क्लवकी अनिसा न्यौपाने ५ जित १ हार र एक बराबरी सँगै ५.५ अंकको साथ दोस्रो रहिन् ।
त्यसै गरी तेस्रो पनि गोल्डेनगेट चेस क्लवकी पुनम प्रसईन ५ जित १ हार र १ बराबरी संगै तेस्रो रहिन् । समान अंक रहे पनि अनिसाले पुनमलाई तेस्रो चरणको खेलका हराएकी थिईन जसले गर्दा उनि हेड टु हेड ट्याबे्रकमा पछि परिन् ।
खेलाडीहरुलाई बागमति प्रदेशकी स्वस्था राज्यमन्त्री कल्पना नेपालीले पुरस्कृत गरिन् । राजधानीको बिसालबजरमा रहेको बेन्तो रेस्टुरेन्टमा २४ गते देखि २६ गते सम्म खेल भएको थियो ।
