2 years ago
March 23, 2022
काठमाडौं (हाम्रो खेलकुद) – काठमाडौं ब्याडमिन्टन एकेडेमी (केबीए) का बविस थापा र नेपाल आर्मीका डेभिड थापा मगरले प्रथम राष्ट्रव्यापी भक्तपुर खुला ब्याडमिन्टन प्रतियोगिताको पुरुष सिंगल्समा बुधबार विजयी सुरुआत गरेका छन् । भक्तपुरको लिवालिस्थित कभर्डहलमा बविसले बीबीसीका प्रबुन चौलागाईंलाई २१–७ र २१–१० तथा डेभिडले धन्यन्तरीका बासु लामाबाट वाकओभर पाए । त्यस्तै कपिलवस्तुका अभय महराले भक्तपुरका प्रशान्त […]
काठमाडौं (हाम्रो खेलकुद) – काठमाडौं ब्याडमिन्टन एकेडेमी (केबीए) का बविस थापा र नेपाल आर्मीका डेभिड थापा मगरले प्रथम राष्ट्रव्यापी भक्तपुर खुला ब्याडमिन्टन प्रतियोगिताको पुरुष सिंगल्समा बुधबार विजयी सुरुआत गरेका छन् ।
भक्तपुरको लिवालिस्थित कभर्डहलमा बविसले बीबीसीका प्रबुन चौलागाईंलाई २१–७ र २१–१० तथा डेभिडले धन्यन्तरीका बासु लामाबाट वाकओभर पाए ।
त्यस्तै कपिलवस्तुका अभय महराले भक्तपुरका प्रशान्त देसेमरुलाई २१–१० र २१–७ काठमाडौंका स्वयं महर्जनले १६ फेडरका अरुस सिम्खबाट वाकओभर, धन्यन्तरीका विकास कटुवालले रिभाइभका प्रसोबरत्न शाक्यलाई २२–२०, १४–२१ र २१–१७, आर्मीका प्रवीण लिङथेपले फेडरका प्रारम्भ सिम्खडाबाट वाकओभर तथा फेडरका अमन महर्जनले पीएफसीका अविनाश कार्कीलाई २३–२१, १८–२१ र २१–१७ ले हराए ।
भक्तपुर जिल्ला ब्याडमिन्टन संघद्वारा आयोजित प्रतियोगिताको यु–१५ ब्वाइज सिंगल्समा देवीनगरका सक्षम ढकाल, स्पोर्ट्स हबका सुनिल कार्की, बुटवल बीसीका कृष नेपाल, सूर्यदर्शनका आदित्य थारु, धन्यन्तरीका सुहम कार्की, कपिल्वस्तुका शिभम कसुन्धन, फेडरका अमन महर्जन, कपिल्वस्तुका सुविन श्रेष्ठ र अघिल्लो चरणमा प्रवेश गरे ।
यस्तै वाइसीबीसीका रिजन मगर, संखुवासभाका श्रीम्सा कटुवाल, कैलालीका प्रकाश उपाध्याय, भक्तपुरका आभाषविक्रम खड्का, स्पोर्ट्स हबका अनिश गुरुङ, भक्तपुरका कसिर नाखेत्रु, धन्यन्तरीका सत्यम कार्की, काठमाडौंका राजेन्द्र महर्जन, देवीनगरका अदिश कार्की, बेल्टार बीएका जनिश मगर, वाइसीबीसीका विल्सन राई, आनन्द पाख्रिन, धादिङका सलिन गुरुङ, सूर्यदर्शनका सक्षम राणा र कमप्लिट हेल्थका रिसब राईले सफल पाए । प्रतियोगिताको भक्तपुर नगरपालिकाका मेयर सुनिल प्रजापतिले एक कार्यक्रमबीच उद्घाटन गरे ।
कार्यक्रमलाई सम्बोधन गर्दै मेयर प्रजापतिले भक्तपुर नगरपालिकाले खेलकुदलाई प्राथमिकतामा राखेर अगाडि बढेको बताए । भक्तपुरकी प्रमुख जिल्ला अधिकारी रुद्रा शर्मा र नेपाल ब्याडमिन्टन संघका अध्यक्ष रामजीबहादुर श्रेष्ठले प्रतियोगिता सफलताका लागि शुभकामना दिए । आयोजक संघका अध्यक्ष राजेन्द्रप्रसाद प्रजापतिले प्रतियोगिताले आगामी दिनमा पनि निरन्तरता पाउने बताए । आयोजक संघका उपाध्यक्ष नवीन प्रजापतिले प्रतियोगिता बारे प्रकाश पारेका थिए ।
प्रतियोगितामा २ सय भन्दा बढी खेलाडीले विभिन्न ६ स्पर्धामा प्रतिस्पर्धा गरिरहेका छन् । यु–१५ पुरुष-महिला सिंगल्समा शीर्ष स्थान हात पार्नेले क्रमशः १५ हजार, १० हजार र ७ हजार ५ सय नगद पुरस्कार प्राप्त गर्ने छन् । पुरुष-महिला सिंगल्सका विजेताले ३५ हजार, उपविजेताले २० हजार र तेश्रोले १२ हजार ५ सयका दरले नगद पुरस्कार हात पार्ने छन् । भेट्रान ४५ वर्षमाथि डबल्स र पुरुष डबल्समा पहिलो हुनेलाई ३० हजार, दोश्रोलाई १५ हजार र तेश्रोलाई ७ हजार ५ सय नगदबाट पुरस्कृत गरिने छ ।
May 3, 2024
काठमाडौं (हाम्रो खेलकुद) – इङ्ल्यान्ड भ्रमणमा रहेको नेपाली राष्ट्रिय फुटबल टोलीले आज पहिलो मैत्रीपूर्ण खेल खेल्दैछ । ब्रिटिश आर्मीको टोली विरुद्ध आज नेपाली टोलीले खेल्नेछ । भिसा प्रक्रियामा निकै ढिलो हुँदा एन्फाले टोलीका सदस्यलाई फरक-फरक समयमा विभिन्न विमानमा पठाउनु परेको थियो । टोली फरक-फरक समयमा इङ्ल्यान्ड पुगेको थियो भने केही खेलाडीहरू हिजो मात्र पुगेका थिए […]
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]