काठमाडौं(हाम्रो खेलकुद) – नेपालले तीव गतिकी बलर अस्मिना कर्माचार्य र स्पिनर हिरान्माये रोयलाई पहिलो पटक समेट्दै युगान्डासँग खेल्ने पाँच वुमन्स महिला टि२० आई सिरिज खेल्ने टोली घोषणा गरेको छ ।

रुविनाको कप्तानीमा घोषणा १६ सदस्य टोलीमा दुई युवा खेलाडी बाहेक अन्य भने सबै पूरानै अनुहार रहेका छन् ।
अस्मिना बागमती प्रदेशको कप्तानी गर्दै आएकी छिन् । उनी तीव्र गतिको बलिङको लागि चिनिन्छिन् । घरेलु क्रिकेटमा उनले लगातार राम्रो प्रभाव छाड्दै आएकी छिन् ।

अस्मिना नेपाली टोलीको बन्द प्रशिक्षणमा रहँदै आएपनि अन्तिम टोलीमा स्थान बनाउन सकेकी थिइनन् । यता हिरामान्येले यू१९ राष्ट्रिय प्रतियोगितामा लेग स्पिनमा राम्रो छाप छाडेपछि सिनियर टोलीमा परेकी हुन् । उनी पहिलो बन्द प्रशिक्षणमै टोलीमा परेकी हुन् ।

घोषणा टोलीमा सुमन खतिवडा, ऋतु कनोजिया, ममता चौधरी, सरस्वती चौधरी र करुणा भण्डारी भने अटाएका छैनन् । नेपाली महिला टोलीले पहिलो पटक घरेलु मैदान टियुमा अन्तर्राष्ट्रिय सिरिज खेल्न लागेको हो ।

रुविना क्षेत्री बेलबासे (कप्तान), सीता रानामगर, इन्दु बर्मा, ज्योति पाण्डे, काजल श्रेष्ठ, कविता कुँवर, अप्सरी बेगम, कविता जोशी, डली भट्ट, अस्मिना कर्माचार्य, संगिता राई, सबनम राई, रोमा थापा, सरिता मगर, हिरान्माये र विन्दु रावल ।

नेपाल र युगान्डाबीचको खेल तालिका

जेठ २ – पहिलो खेल
जेठ ३ – दोस्रो खेल
जेठ ५ – तेस्रो खेल
जेठ ६ – चौथो खेल
जेठ ७ – पाँचौं खेल