काठमाडौं (हाम्रो खेलकुद) – नेपाल पुलिस क्लबकी मिडल ब्लकर कोपिला राना प्रथम बागमती प्रदेश न्यू डायमन्ड कप खुल्ला महिला राष्ट्रिय भलिबल प्रतियोगिताको सर्वाेत्कृष्ट खेलाडी चुनिएका छन् ।

पुलिसलाई च्याम्पियन बनाउन कोपिलाले अलराउन्डर प्रदर्शन गरेकी थिइन् । सर्वाेत्कृष्ट बनेसँगै कोपिलाले २५ हजार रुपैयाँ र ट्रफी हात पारिन् ।

उनकै अलराउन्डर प्रदर्शनमा पुलिसले वर्षको पहिलो उपाधि जित्न सफल भएको छ । कीर्तिपुरस्थित इन्द्रायणी बहुउद्देश्यीय कभर्डहलमा शनिबार भएको फाइनलमा नेपाल एपिएफ क्लबलाई ३–० को सोझो सेटमा पराजित गर्दै पुलिस अपराजित रहेर च्याम्पियन बनेको हो ।

यस्तै आयोजक होङ्गान्जी न्यु डायमन्ड स्पोर्ट्स क्लबकी सलिना बुढामगर उदियमान खेलाडी बनेकी छिन् । उनले २० हजार रुपैया र शिल्ड हात पारिन् । व्यक्तिगत विधाका उत्कृष्टले जनही १० हजार रुपैयाँ हात पारेका छन् ।

प्रतियोगिताको सर्वाेत्कृष्ट
सर्वाेत्कृष्ट – कोपिला राना (पुलिस)
उदियमान – सलिना बुढामगर (डायमन्ड)
स्पाइकर – रेश्मा भण्डारी (एपिएफ)
ब्लकर – उषा कुमारी विष्ट (एपिएफ)
सेटर – कमला पुन (पुलिस)
सर्भर – कोपिला उप्रेती (पुलिस)
लिवेरो – एन्जिला प्रधान (डायमन्ड)
प्रशिक्षक – रुपेश कुमार विष्ट (पुलिस)