काठमाडौं (हाम्रो खेलकुद) – विभागीय टोली त्रिभुवन आर्मी क्लब तथा नेपाली राष्ट्रिय पुरुष भलिबल टोलीका लिवेरो (डिफेन्डर) ईश्वर थापा मगर नेपाली सेनाको सुवेदार पदमा बढुवा भएका छन् ।

उनलाई आइतबार सहसेनानी तथा नेपाली सैनिक शारीरिक तथा खेलकुद केन्द्र लगनखेलका केन्द्रपति मुनाल बस्नेतले सुवेदार पदको दज्र्यानी चिन्ह प्रदान गरे ।

तनहुँ जिल्ला व्यास नगरपालिका १ भादगाँउका ३६ वषीर्य थापा २०६५ मा अमल्दार पदबाट सेनामा भर्ना भएको थियो । गोरख दल गणमा रहेका उनी झन्डै ८ वर्षदेखि आर्मी तथा नेपाली राष्ट्रिय टोलीको सदस्य रहँदै आएका छन् ।

२०६६ मा महेन्द्रनगरमा भएको इन्डो नेपाल प्रतियोगिताबाट आर्मीको टोलीबाट भलिबल खेल्न सुरु उनी लिवेरो (डिफेन्डर) त्यसयता उनी आर्मीको नियमित सदस्य छन् । उनले आर्मीबाट दुई दर्जन बढी उपाधिसँगै व्यक्तिगत उपाधि पनि जितिसकेका छन् ।

२०७२ देखि राष्ट्रिय टोलीमा रहेका ईश्वरले राष्ट्रिय टोलीबाट चार सेन्ट्रल जोन, एक एसियन गेम्स र १३औं दक्षिण एसियाली खेलकुद (साग) खेलेका छन् । यस्तै नेपालबाट उनले विभिन्न मैत्रीपूर्ण खेलमा पनि खेलेका छन् । करिअरको उत्तरार्धमा रहेका उनी गत पुसमा बंगलादेशमा भएको सेन्ट्रल जोनमा मात्रै टोलीमा पर्न असफल भएका थिए ।