पूनरागमन जित निकाल्दै जोकोभिच सेमिफाइनलमा

एजेन्सी – शीर्ष वरीयताका सर्वियन नोभाक जोकोभिचले पूनरागमन जित निकाल्दै विम्बल्डन टेनिसको सेमिफाइनलमा प्रवेश गरेका छन् ।

सेन्टर कोर्टमा मंगलबार राति भएको क्वाटरफाइनलमा साविक विजेतासमेत रहेको जोकोभिचले १०औं वरीयताका इटालीका जानिक सिनरमाथि ३–२ को पुनरागमन जित निकाल्दै अन्तिम चारको यात्रा तय गरेका हुन् ।

प्रतिस्पर्धात्मक र रोमाञ्चक बनेको खेलको सुरुआती दुई सेट गुमाएपनि जोकोभिचले उत्कृष्ट पुनरागमन गर्दै जित निकालेका हुन् । जोकोभिचले सुरुवात दुई सेट ५–७ र २–६ ले गुमाएको थियो । तर त्यसपछि जोकोभिचले बाँकी रहेको सेटमा ६–३, ६–२ र ६–२ को सोझो सेटमा पराजित गर्न सफल भएका हुन् ।

सातौपटक विम्बल्डन जित्ने अभियानमा रहेको जोकोभिचको यो ३३२औं ग्रान्डस्लाम जित हो । अब ३५ वर्षीय जोकोभिचले बेलायतका क्यामरुन नोरीसँग खेल्नेछन् ।

‘उनी पहिलो दुई सेटका लागि उत्कृष्ट खेलाडी थिए । म बाहिर गएँ र रिफ्रेस भए, मैले ऐनामा आफैसँग अलिकति कुरा गरें, यो सत्य हो ।’ जोकोभिचले भने, ‘कहिलेकाहीँ यी परिस्थितिहरूमा जब तपाईंका लागि धेरै सकारात्मक रूपमा भइरहेको छैन, कहिलेकाहीँ यी चीजहरू आवश्यक हुन्छन् । मैले त्यही गरे र सफलता हात पारे ।’

पूनरागमन जित निकाल्दै जोकोभिच सेमिफाइनलमा

Latest News

Popular News

General

‘नेपालमा‌ छोटो तर अर्थपूर्ण समय बिताउँने छु’ – डु प्लेसिस

रियल हारबाट जोगियो

लेभरकुसेनसँग म्यानचेस्टर सिटीको हार

चर्चित खेलहरु:

उपयोगी लिङ्कहरू

सम्पर्क

सामाजिक संजाल