एजेन्सी – भेट्रान स्वीस टेनिस स्टार रोजर फेडेररले व्यवसायिक टेनिस खेल जीवनबाट सन्यास लिने लिएका छन् ।लेभर कपमा स्पेनिस टेनिस स्टार राफायल नाडालसँग जोडी बनाएर फेडेररले टेनिसबाट सन्यास लिएका हुन् ।

२० पटकको ग्रान्डस्लाम विजेता ४१ वर्षीय फेडेरर टेनिस इतिहासका उत्कृष्ट खेलाडीमध्ये एक हुन् । पूर्व विश्व नम्बर एक फेडेररले २५ वर्षको व्यावसायिक करियरलाई सिंगल्स र डबल्समा आफ्नो १,७५०औँ प्रतिस्पर्धात्मक खेलपछि अन्त्य गरेका हुन् ।

‘यो एक अद्भुत दिन थियो । म खुसी छु, दुखी छैन । यहाँ आउन पाउँदा धेरै राम्रो लाग्छ । म खुसी छु कि मैले यो पार गर्न पाएको छु ।’ सन्यास लिएपछि फेडेररले भने ।

सन्यास दौरान फेडेररसँगै रहेका उनका समकालीन प्रतिद्धन्द्धी ३६ वर्षीय नाडाल रोए । ‘१७ हजार ५ सय समर्थकमाझ फेडेररले सन्यास लिए । उनी रोए । नाडाल र अन्य खेलाडीहरूलाई अँगालो हाले । नाडालले पनि आँसु थाम्न सकेनन् ।

फेडेरर र नाडाल विश्व टेनिसको लामो समयका प्रतिद्धन्द्धी हुन् । फेडेररले एक वर्षभन्दा बढी समयदेखि प्रतिस्पर्धात्मक रूपमा नखेल्दा पनि ओ टु एरिनामा ४–६ ७–६ (७–२) ११–९ ले पराजित भए । फेडेरर र नाडालको जोडीलाई ‘फेडल’ उपनामले चिनिन्छ ।

‘यो उत्तम यात्रा थियो । म यो सबै फेरि गर्नेछु, फेडेररले आफ्नो भाषणको क्रममा आँसु रोक्न प्रयास गरे । फेडेररले आफूले चाहेको सन्यासको उत्सव मनाए । विगत दुई वर्षको धेरैजसो घुँडाको चोटसँग लडिरहेको थियो र समस्यालाई हटाउन तीनवटा शल्यक्रिया गर्नुपर्ने थियो । गत वर्ष विम्बल्डनको क्वार्टरफाइनलमा पोल्याण्डका ह्युबर्ट हुर्काकजसँग पराजित भएपछि उनले प्रतिस्पर्धात्मक खेल खेलेका थिएनन् ।

फेडेररले यसअघि नै लन्डनमा हुने लेभर कपबाट सन्यास लिने घोषणा गरो थिए । उनले आफ्नो शरीरले हालै स्पष्ट सन्देश दिएको र २५ वर्षमा १५०० भन्दा बढी खेल खेलेको स्मरण गराए । फेडेररको सन्यासको घोषणासँगै टेनिसमा एक युगको अन्त्य भएको छ । पाँच सिजन लगातार शीर्ष वरियतामा रहेका फेडेररले राफयल नाडाल र नोभाक जोकोभिचसँग पुरुष टेनिसको स्वर्णिम युग बिताएका छन् ।

उनको सर्भिङ, फोरह्यान्ड, फुटवर्क र आक्रमण गर्ने शैली सबै याद रहनेछन् । उनका प्रतिद्वन्द्वी ३६ वर्षीय नाडाल र ३५ वर्षीय जोकोभिचसँगको खेलहरू पनि अविस्मरणीय थिए, जसले दुवैले बराबरी गरे । नाडाल २२ ग्रान्डस्लामसहित शीर्षमा रहँदा जोकोभिचले २१ ग्रान्डस्लाम उपाधि जितेका छन् ।

सन् १९९८ मा व्यवसायिक टेनिसमा १६ वर्षको उमेरममा डेब्यु गरेका फेडेररले पहिलोपटक २००३ मा ग्रान्डस्लाम उपाधि विम्बल्डन टेनिस जितेका थिए । फेडेररले ८ विम्बल्डन, ६ अष्ट्रेलियन ओपन, ५ यूएस ओपन र १ फ्रेन्च ओपन जितेका छन् ।

फेडेररका श्रीमती मिर्का पनि टेनिस खेलाडी हुन् । उनीहरुको ओलम्पिक दौरान भेट भएको थियो । उनीहरुका दुई जुम्ल्याहा बच्चा छन् ।