default_image

2 years ago

October 14, 2022

नवौं राष्ट्रिय खेलकुदको औपचारिक उद्घाटन आज

पोखरा (हाम्रो खेलकुद) – पर्यटकीय नगरी गण्डकी प्रदेशको पोखरामा आज (शुक्रबार) देखि नेपाली खेलकुदको कुम्भमेला नवौं बृहत् राष्ट्रिय खेलकुद प्रतियोगिता औपचारिक रुपमा सुरु हुँदैछ । २८ असोजदेखि ३ कात्तिकसम्म हुने प्रतियोगिताको लागि आवश्यक तयारी पूरा भएको राष्ट्रिय खेलकुद आयोजक राष्ट्रिय खेलकुद परिषद (राखेप) ले बिहीबारै जानकारी गराइसकेको छ । पोखरा रंगशालामा शुक्रबार दिउँसो ४ बजे […]

253 views

0 Bookmark

पोखरा (हाम्रो खेलकुद) – पर्यटकीय नगरी गण्डकी प्रदेशको पोखरामा आज (शुक्रबार) देखि नेपाली खेलकुदको कुम्भमेला नवौं बृहत् राष्ट्रिय खेलकुद प्रतियोगिता औपचारिक रुपमा सुरु हुँदैछ ।

२८ असोजदेखि ३ कात्तिकसम्म हुने प्रतियोगिताको लागि आवश्यक तयारी पूरा भएको राष्ट्रिय खेलकुद आयोजक राष्ट्रिय खेलकुद परिषद (राखेप) ले बिहीबारै जानकारी गराइसकेको छ ।

पोखरा रंगशालामा शुक्रबार दिउँसो ४ बजे उपराष्ट्रपति नन्दबहादुर पुनले भव्य समारोहबीच नवौंको उद्घाटन गर्ने कार्यक्रम रहेको छ । उद्घाटन समारोहलाई भव्य र सभ्य बनाउन सबै तयारी पूरा भएको राखेपले जनाएको छ ।

प्रतियोगिता उद्घाटन समारोहमा सबै सहभागी टिमहरुले मस्कटसहित मार्चपास गर्नेछन् । सातै प्रदेशका सांस्कृतिक झाँकी, विद्यार्थीबाट ड्रिल प्रदर्शन, विभिन्न सांस्कृतिक कार्यक्रम, आतिशवाजी र मनोरञ्जनात्मक कार्यक्रमबीच उद्घाटनलाई भव्य बनाइन लागेको छ ।

त्यस्तै नवौं राष्ट्रिय खेलकुद प्रतियोगितामा सहभागी ११ टिमको मस्कटसहित मार्च पास नवौं राष्ट्रिय खेलकुद गित प्रस्तुती इन्दिरा जोशी र काली प्रसाद बास्कोटासँगै विवोइङ प्रदर्शन हुनेछ । सातौं दक्षिण एशियाली खेलकुद (साग) का स्वर्ण पदकधारी तथा ओलम्पियन टीकाबहादुर बोगटीले ओलम्पिक टर्च प्रज्व्लन गर्नेछन् ।

२०३८ सालमा काठमाडौंमा पहिलो राष्ट्रिय खेलकुद प्रारम्भ भएको थियो । २०४० सालमा पोखरामा दोस्रो राष्ट्रिय खेलकुद प्रतियोगिता आयोजना भएको थियो । प्रतियोगितामा सातवटा प्रदेशसहित नेपाली सेना, नेपाल प्रहरी र सशस्त्र प्रहरी गरी तीन विभागीय र एक गैर आवासीय नेपाली सङ्घ (एनआरएन) गरी कुल ११ टोलीबीच प्रतिस्पर्धा हुनेछ ।

कुल ६ हजार १ सय ५७ खेलाडीको खेलाडीले ३६ खेलका लागि प्रतिस्पर्धा गर्नेछन् । यसपटक ४ सय ४ स्वर्ण, उति नै रजत पदक र त्यसभन्दा दोब्बर बढी कास्यका लागि प्रतिस्पर्धा हुनेछ । यति धेरै पदक र पुरस्कार भएको यो नवौं राष्ट्रिय खेलकुद प्रतियोगिता खेलाडी एवं खेलप्रेमीका लागि कुम्भमेला हो ।

प्रतियोगितालाई प्रदेशका सबै ११ जिल्लामा आयोजना गर्ने भनिएपनि मनाङ, मुस्ताङ र लमजुङमा सम्भव भएन । अन्य जिल्लामा भने कुनै न कुनै प्रतियोगिता हुने भएको छ । आयोजकका अनुसार म्याग्दीमा महिला भलिबल र तेक्वान्दो, बागलुङमा आइटिएफ तेक्वान्दो, गोरखामा बुद्धिचाल, तनहुँमा बास्केटबल, स्याङ्जामा महिला फुटबल, पर्वतमा कराते र नवलपरासीमा कुस्ती, सेपाकताक्रो प्रतियोगिता हुने भएको छ ।

अन्य खेलको प्रतियोगितामा पोखरामा नै हुनेछ । केही खेलको नतिजा पनि आउने क्रम जारी छ । सबैभन्दा पहिले असोज २३ देखि महिला क्रिकेट सुरु भएको हो ।

यसैबीच, नवौं राष्ट्रिय खेलकुदमा आवश्यक भौतिक पूर्वाधार बन्नुपर्ने माग उठे पनि यहाँ कुनै पनि भौतिक पूर्वाधार थपिएनन् । १३औं सागमा जे जति पूर्वाधार बन्न सकेका थिए, त्यसैको आधारमा खेलाउन लागिएको गुनासो खेलकुदकर्मीले गरेका छन् ।

नवौं अन्तरगत आज (शुक्रबार) पुरुष भलिबल, तेक्वान्दो, लन टेनिस, सफ्ट टेनिस, आइटिएफ तेक्वान्दो, बक्सिङ, सुटिङ, महिला र पुरुष बास्केटबल, साइक्लिङका खेलहरु औपचारिक रुपमा शुरु हुनेछ । केही खेलको पदकको छिनोफानो भइसकेको छ, भने केही खेल आज सकिदैछ ।

नवौंमा केही खेलहरुको सुरु हुनुअघि र शुरु भइसकेपछि विवादको श्रृंखला शुरु भएको छ । मैदान तयार नहुँदा र टोलीको जर्सी समयमै नआइपुग्दा केही खेलहरु ढिला गरी शुरु भएको छ । पर्याप्त मात्रामा पदक नआइपुग्दा खेलाडीले लगाइसकेको पदक पनि फिर्ता गरी अन्य विजेता खेलाडीलाई वितरण गरिएको थियो ।

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 19, 2024

फाइनल पुग्न यूएईलाई नेपालको सामान्य लक्ष्य

मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]

April 16, 2024

बहराइनको कम्बोडियाविरुद्ध सहज जित

मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]

Success

Thank you for your time.