default_image

1 year ago

October 19, 2022

आफ्नै कीर्तिमान तोड्नेलाई केशरीको नगदसहित प्रोत्साहन

पोखरा (हाम्रो खेलकुद)– वैदेशिक रोजगारीमा रहेकी कीर्तिमानी खेलाडी केशरी चौधरीको मन यतिबेला गण्डकी प्रदेशमा जारी नवौं राष्ट्रिय खेलकुदको एथलेटिक्सले तानेको छ । चार वटा कीर्तिमान (हाइ जम्प, लङ जम्प, ट्रिपल जम्प र एक सय मिटर हडल्स) आफ्नो नाममा रहँदैमा झन्डै पाँच वर्ष संयुक्त अरब इमिरेट्स (युएई) पुगेकी केशरीको एउटा कीर्तिमान यसपटक तोडिएको छ । केशरीको […]

96 views

0 Bookmark

पोखरा (हाम्रो खेलकुद)– वैदेशिक रोजगारीमा रहेकी कीर्तिमानी खेलाडी केशरी चौधरीको मन यतिबेला गण्डकी प्रदेशमा जारी नवौं राष्ट्रिय खेलकुदको एथलेटिक्सले तानेको छ ।

चार वटा कीर्तिमान (हाइ जम्प, लङ जम्प, ट्रिपल जम्प र एक सय मिटर हडल्स) आफ्नो नाममा रहँदैमा झन्डै पाँच वर्ष संयुक्त अरब इमिरेट्स (युएई) पुगेकी केशरीको एउटा कीर्तिमान यसपटक तोडिएको छ । केशरीको नाममा अहिलले पनि हाइजम्पमा १.६९ मिटर र ट्रिपल जम्पमा १२.२० मिटरको कीर्तिमान छ । नेपाल पुलिस क्लबमा आबद्ध रहेकी केशरी राष्ट्रिय टोलीबाट खेल्दा खेल्दै खेलप्रेमीलाई आश्चर्यमा पार्दै विदेश पलायन भएकी थिइन् ।

केशरीको नाममा कुनै बेला रहेको कीर्तिमान मध्ये एक सय मिटर हर्डल्स र लङ जम्पमा भने यसपटक नयाँ कीर्तिमान बनिसकेको छ । त्रिभुवन आर्मी क्लबबाट खेल्दै आएकी बर्दियाकी जयरानी थारुले यसपटक एक सय मिटर हर्डल्स र लङ जम्पमा नयाँ कीर्तिमान बनाएकी छिन् ।

एक सय मिटर हर्डल्समा केशरीको कीर्तिमान जयरानीले असारमा भएको ४४ औं राष्ट्रिय च्याम्पियनसिपमा तोडेकी थिइन् । त्यतिबेला उनले १५.२० सेकेन्डको कीर्तिमान बनाएकी जयरानीले यसपटक सोही एक सय मिटर हर्डल्सको हिटमा १५.१६ सेकेन्डको कीर्तिमान बनाएकी थिइन् ।

अर्को कुनै समय केशरीको नाममा रहेको लङजम्प (५.५८ मिटर) मा पनि जयरानीले नयाँ कीर्तिमान बनाएकी छिन् । यसमा भने उनले निशा चौधरीको कीर्तिमान भंग गरेकी हुन् । निशाले असारमा बनाएको ५.४७ मिटरको कीर्तिमान जयरानीले तोडेकी हुन् ।

कुनै बेला आफ्नो नाममा रहेको कीर्तिमानमा नयाँ कीर्तिमान बनाउन सफल भएकीमा केशरीले हौसला स्वरुप एउटा कीर्तिमानका लागि १० हजार गरि दुई कीर्तिमानका २० हजार रुपैयाँ दिने निर्णय गरेको बुधबार एथलेटिक्सका इभेन्ट सन्चालनका दौरान घोषणा गरिएको थियो ।

केशरीका गुरु चन्द्र गुरुङ अहिले राष्ट्रिय खेलकुद परिषद् (राखेप) को एथलेटिक्सका मुख्य प्रशिक्षक हुन् । केशरी र जयरानी एउटै जिल्ला बर्दियाका हुन् । विद्यालय खेलकुदबाट उदाएकी केशरीले एथलेटिक्ससँग महिला राष्ट्रिय क्रिकेट टोलीबाट खेलेकी थिइन् ।

केशरीका तर्फबाट प्रशिक्षक गुरुङले एथलेटिक्सको समापनका दौरान बिहिबार जयरानीलाई २० हजार रुपैयाँको चेक हस्तान्तरण गर्ने जानकारी दिएका छन् । ‘केशरीले हिजो मलाई सम्पर्क गरेकी थिइन् । उनले कुनैबेला मेरो नाममा रहेको कीर्तिमानलाई तोड्ने खेलाडीलाई म आफ्नोतर्फबाट प्रोत्साहन गर्छु भनिन्,’ प्रशिक्षक गुरुङले भने, ‘आफ्नो समयको दुःख उसले बिर्सेकी छैन । त्यसैले नयाँ खेलाडीको हौसला बढाउनका लागि दिने विचार गरेकी होलिन् ।’

केशरीले हाम्रो खेलकुदसँगको कुराकानीका क्रममा भनिन्, ‘आउँदो दिनमा अझै राम्रो गर्दै जानको लागि हौसला मिलोस् भन्नका लागि आफ्नोतर्फबाट थोरै सहयोग गर्न मन लाग्यो।’

जयरानीले यसपटक आशालाग्दो प्रदर्शन गरिरहेकी छिन् । उनले एक सय मिटर हडल्स, लङजम्पसँगै ४ सय मिटर हडल्स (१ मिनेट ४.१३ सेकेन्ड) मा पनि कीर्तिमान बनाइसकेकी छिन् ।

April 10, 2024

आर्मीलाई हराउँदै मच्छिन्द्र सिमरा गोल्डकपको सेमिफाइनलमा

सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]

April 6, 2024

खड्का टिप-टो स्पोर्ट्स एकेडेमीको ब्रान्ड एम्बासेडर

काठमाडौं (हाम्रो खेलकुद) – नेपाली फुटबल टोलीका पूर्व कप्तान हरि खड्का टिप-टो स्पोर्ट्स एकेडेमीको ब्रान्ड एम्बासेडर र प्राविधिक सल्लाहकार (टेकनिकल एडभाईजर) नियुक्त भएका छन् । एन्फाका वर्तमान टेक्निकल डाइरेक्टर तथा नेपाली महिला फुटबल टोलीका पूर्व मुख्य प्रशिक्षक समेत रहेका खड्का हाल टिप-टो स्पोर्ट्स एकेडेमीसँग जोडिएका हुन् ।  नेपाली फुटसल टोलीका मुख्य प्रशिक्षक गौरव बस्नेतद्वारा संचालित […]

April 6, 2024

एन्फा महासचिव राई विरुद्ध सम्पत्ति शुद्धीकरणमा उजुरी

काठमाडौं (हाम्रो खेलकुद)- अखिल नेपाल फुटबल संघ (एन्फा) का महासचिव किरण राईमाथि एन्फामा भ्रष्टाचार र अनियमितताको‌ आरोप लागेको‌ छ । एन्फाको जिल्ला फुटबल संघ गोरखाका सदस्य अमित खत्रीले महासचिव राई विभिन्न शीर्षकमा अनियमितता संलग्न भएको आरोपसहित शुक्रबार सम्पत्ति शुद्धीकरण अनुसन्धान विभागमा छानविनको माग गर्दै उजुरी दर्ता गरेका छन् । खत्रीले एन्फामा र भ्रष्टाचार र वेथिति […]

Success

Thank you for your time.