2 years ago
November 16, 2022
काठमाडौं (हाम्रो खेलकुद) – नेपाल एपीएम प्रालिको आयोजनामा दोश्रो एपीएम अन्तर्राष्ट्रिय टेबलटेनिस प्रतियोगिता बिहीबारदेखि हुने भएको छ ।
प्रतियोगिताको सम्पूर्ण तयारी पूरा भएको एपीएमका प्रशिक्षक ज्याकी महर्जनले जनाएका छन् । प्रतियोगितामा पुरुष ४० वर्षमाथि, ५० वर्षमाथि र ६० वर्षमाथि, महिला ४० वर्षमाथि र पुरुष टिम इभेन्टमा प्रतिस्पर्धा हुनेछ । कुल पुरस्कार राशी ४ लाख ५० हजार रुपैयाँ रहेको छ ।
हरेक स्पर्धाका विजेताले ५० हजार, उपविजेताले २० हजार तेश्रोले १०–१० हजार नगद पुरस्कार पाउने छन् । नेपाल, दक्षिण कोरिया, अमेरिका, चीन, जापान र भारतका गरी जम्मा ८० खेलाडीको सहभागिता रहने एपीएफका निर्देशक दानबहादुर महताले जनाएका छन् ।
भेट्रान बाहेक यु–१६ उमेरसमूहको मिक्स डबल्समा पनि खेल हुनेछ । यो स्पर्धामा शीर्ष तीन स्थान हात पार्नेले १ लाख रुपैयाँ बराबरको जिओमको टेबलटेनिस सामाग्री पुरस्कार स्वरुप प्राप्त गर्ने छन् । ३० खेलाडी सहभागी हुने छन् ।
युथ खेलाडीलाई ओलम्पिकमा टेबलटेनिसकी स्वर्ण विजेता याङ योङ जाले प्रशिक्षण पनि दिने छिन् । दक्षिण कोरियाकी याङ नेपाल आइसकेकी छन् । दुईदिने प्रतियोगिताका खेलहरु धापासीस्थित आयोजकको आफ्नै हलमा हुनेछ ।
पहिलो दिन चार स्पर्धाको फाइनल हुनेछ । यु–१६, महिला ४० वर्षमाथि, पुरुष ६० वर्षमाथि र पुरुष टिम इभेन्टमा विजेताको टुंगो लाग्ने छ ।
July 22, 2024
काठमाडौं (हाम्रो खेलकुद) – काभा नेसन्स लिगको तयारीमा रहेको नेपाली महिला राष्ट्रिय भलिबल टोलीले रसियन टोलीसँग अर्काे हार बेहोरेको छ । यससँगै नेपालले दुई मैत्रीपुर्ण खेलकाे सिरिज रसियालाई २–० ले सुम्पिएकाे छ । सोमबार भएको दोस्रो खेलमा नेपाल ३–० को सोझो सेटमा पराजित हुन पुग्यो । यसअघि आइतबार भएको पहिलो खेलमा पनि नेपालले ३–० कै […]
July 18, 2024
काठमाडौं (हाम्रो खेलकुद) – ललित स्मृति यु-१८ लिगमा बिहीबार नेपाल एपिएफ क्लब र नेपाल पुलिस क्लब विजयी भएका छन् । लिग सिजनको पहिलो जित दर्ता गर्ने क्रममा एपिएफले सातदोबाटो माथि २-१ को जित हात पारेको हो । जितमा विकास टिटुङ र किशोर गुरुङले १-१ गोल गरे । सातदोबाटोका लागि योहान्ना लिम्बूले अन्तिम समयमा १ गोल […]
July 15, 2024
एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]