1 year ago
November 25, 2022
ललितपुर (हाम्रो खेलकुद) – राष्ट्रिय च्याम्पियन तथा विभागीय त्रिभुवन आर्मी क्लबकी रशिला महर्जन र अनुमाया राई प्रथम ललितपुर मेयर कप राष्ट्रिय ब्याडमिन्टन प्रतियोगिताको फाईनलमा प्रवेश गरेका छन् । ललितपुर जिल्ला ब्याडमिन्टन संघको आयोजना तथा नेपाल ब्याडमिन्टन संघको प्राविधिक सहयोगमा भएको प्रतियोगिताको महिला एकलतर्फ उपाधिनजिक पुग्ने क्रममा रशिलाले एपिएफकी शोभा गौचनलाई २१–१२ र २१–९ ले पराजित […]
ललितपुर (हाम्रो खेलकुद) – राष्ट्रिय च्याम्पियन तथा विभागीय त्रिभुवन आर्मी क्लबकी रशिला महर्जन र अनुमाया राई प्रथम ललितपुर मेयर कप राष्ट्रिय ब्याडमिन्टन प्रतियोगिताको फाईनलमा प्रवेश गरेका छन् ।
ललितपुर जिल्ला ब्याडमिन्टन संघको आयोजना तथा नेपाल ब्याडमिन्टन संघको प्राविधिक सहयोगमा भएको प्रतियोगिताको महिला एकलतर्फ उपाधिनजिक पुग्ने क्रममा रशिलाले एपिएफकी शोभा गौचनलाई २१–१२ र २१–९ ले पराजित गरिन् ।
यस्तै अर्को खेलमा आर्मीकै अनुले आफ्नै क्लबकी प्राथना देउवामाथि १७–२१, २१–१८ र २१–१७ को कठिन जित निकाल्दै रशिलासँगको भेट पक्का गरिन् ।
ललितपुर बालकुमारीस्थित बालकुमारी रिमिक्स क्लबको कभर्डहलमा जारी प्रतियोगिताको पुरुष एकलतर्फको सेमिफाइनल समिकरण पुरा भएको छ ।
राष्ट्रिय च्याम्पियन पुलिसका प्रिन्स दाहाल आर्मीका दिवस शंकरलाई २१–१० र २१–१२ ले पराजित गर्दै सेमिफाईनलमा पुग्न सफल भए । कास्कीका विधान अधिकारीले एपिएफका देवराज रानामाथि २१–१३ र २१–११ को जित निकाले ।
यस्तै आर्मीका प्रफुल महर्जनले पुलिसका हिरा राईमाथि २१–१६ र २१–७ को सहज जित निकाल्दा १६ फिदरका क्षितिज खनालले आर्मीका पविन लिनथेपलाई २१–१२ र २१–९ ले हराए ।
छात्रा यु १७ मा आर्मीकी रिहाना शेरचनले आर्मीकै समृद्धि श्रेष्ठलाई २१–१५ र २१–१० ले तथा कैलालीकी रञ्जु रानाले ललितपुरकी श्रेया बज्राचार्यलाइ १९–२१, २१–१९ र २१–१३ ले हराएर फाइनलमा भिडन्त तय गरिन् ।
छात्रतर्फ आर्मीका कविर केसीले कैलालीका रोशन साउदलाई २१–१९ र २१–१७ ले तथा आर्मीका अनिल मल्लले शुभकामना युवा क्लबका सनौला रैनीलाई २१–१५ र २२–२० ले हराएर उपाधि भिडन्त तय गरे ।
भेट्रान ४५ बर्ष माथि गठ्ठाघर स्पोर्टस् हाउसका डेन लामा र राजेश थापाको जोडी तथा किर्तिपुर ब्याडमिन्टन क्लबका काजी कार्की र राजु महर्जनको जोडी सेमिफाईनल प्रवेश गरेका छन् ।
यस्तै कास्कीका राजेश गुरुङ र शंभु कुमार श्रेष्ठको जोडी र कालीका ब्याडमिन्टन क्लबका राम केसी र हरी खत्रीको जोडीले पनि अन्तिम ४ को यात्रा तय गरे ।
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]
April 16, 2024
मस्कट (हाम्रो खेलकुद) – ओमनमा जारी एसिसि प्रिमियर कप अन्तर्गत बहराइनले पहिलो जित दर्ता गरेको छ । पहिलो जित दर्ता गर्ने क्रममा बहराइनले कम्बोडिया माथि ७ विकेटको सहज जित हासिल गरेको हो । कम्बोडियाले दिएको ८४ रनको झिनो लक्ष्य बहराइनले १३.१ ओभरमा ३ विकेट गुमाएर भेटायो । बहराइनका लागि हैदर बटले २७ बलमा ३ चौका […]
April 10, 2024
सुनिल गाउँले, सिमरा विभागीय टोली त्रिभुवन आर्मी क्लब विरुद्ध संघर्षपूर्ण जित निकाल्दै मच्छिन्द्र क्लब जगदम्बा स्टिल १४ औं जीतपुरसिमरा गोल्डकपको सेमिफाइनलमा प्रवेश गरेको छ । सिमरा रंगशालामा मंगलबार राति भएको प्रतिष्पर्धात्मक खेलमा मच्छिन्द्रले आर्मी १–० लाई हराउँदै अन्तिम चारको यात्रा तय गरेको हो । ६९ औं मिनटमा सौरभ लिम्बुले गरेको मच्छिन्द्रला लागि निर्णायक बनेको थियो […]