default_image

1 year ago

December 26, 2022

अष्ट्रेलियामा दोस्रो छन्त्याल वेल्सन अन्तर्राष्ट्रिय पुरुष र महिला भलिबल कप हुने

काठमाडौं (हाम्रो खेलकुद) – छन्त्याल परिवार अष्ट्रेलिया (सिपिए) को आयोजनामा दोस्रो संस्करणको छन्त्याल वेल्सन अन्तर्राष्ट्रिय पुरुष र महिला भलिबल कप जनवरीमा हुने भएको छ । आयोजक छन्त्याल परिवार अष्ट्रेलियाले छन्त्यालहरुको ठुलो पर्व माघे संक्रान्तिको अवसरमा दोस्रो संस्करणको एक दिने छन्त्याल वेल्सन अन्तर्राष्ट्रिय पुरुष र महिला भलिबल कप २९ जनवरीमा अबर्न बास्केटबल सेन्टरमा हुने जानकारी गराएको […]

185 views

0 Bookmark

काठमाडौं (हाम्रो खेलकुद) – छन्त्याल परिवार अष्ट्रेलिया (सिपिए) को आयोजनामा दोस्रो संस्करणको छन्त्याल वेल्सन अन्तर्राष्ट्रिय पुरुष र महिला भलिबल कप जनवरीमा हुने भएको छ ।

आयोजक छन्त्याल परिवार अष्ट्रेलियाले छन्त्यालहरुको ठुलो पर्व माघे संक्रान्तिको अवसरमा दोस्रो संस्करणको एक दिने छन्त्याल वेल्सन अन्तर्राष्ट्रिय पुरुष र महिला भलिबल कप २९ जनवरीमा अबर्न बास्केटबल सेन्टरमा हुने जानकारी गराएको छ ।

सहभागी टोलीको टुंगो लागिसकेको छैन । प्रतियोगिताको पुरुषतर्फको विजेताले २ हजार ६ सय २६ अष्ट्रेलियन डलर, कप र स्वर्णपदक प्राप्त गर्नेछ । दोस्रो हुनेले १ हजार ६ सय १६ अष्ट्रेलियन डलर, कप र रजत पदक प्राप्त गर्नेछ । यस्तै महिलातर्फको विजेताले ८ सय ८८ अष्ट्रेलियन डलर, कप र स्वर्णपदक तथा दोस्रो हुनेले ५ सय ५५ अष्ट्रेलियन डलर, कप र रजत पदक प्राप्त गर्नेछ ।

पुरुषतर्फ सर्वाेत्कृष्ट खेलाडी, सेटर, स्पाइकर, ब्लकर, क्वीकर, सर्भर र लिवेरोले कप र मेडल तथा महिला तर्फको सर्वाेत्कृष्ट खेलाडीले कप र मेडल प्राप्त गर्ने आयोजकले जनाएको छ । यो प्रतियोगिताको अनुमानित बजेट २० हजार अष्ट्रेलियन डलर रहने आयोजकले जनाएको छ ।

यो प्रतियोगिता गर्नुको उद्देश्य अष्ट्रेलियामा रहेका नेपालीहरुबीच भाइचाराको सम्वन्ध विस्तार गरी भेटघाट गर्न, भलिबलमार्फत प्रत्येक साताको कामको बोझलाई बिर्सन, छन्त्याल जातिको संस्कृति देखाउन, नेपालको राष्ट्रिय खेल भलिबलको प्रवद्र्धन गर्न, महिलालाई भलिबलमा उत्प्रेरित गर्न र खेलकुदद्धारा सबैलाई एकतामा बाध्न रहेको जनाएको छ ।

छन्त्याल परिवार अष्ट्रेलिया (सिपिए) अष्ट्रेलियामा चर्चित गैर नाफमुलक संस्था हो । अष्ट्रेलियामा रहेका सबै नेपाली र विशेष गरी छन्त्याल जातिलाई एकताबद्ध गर्न यस संस्था सन् २०११ मा सिड्नीमा स्थापना भएको हो ।

सिड्नीमा रहेका विभिन्न संघ र संस्थामध्येमा छन्त्याल परिवार सक्रिय संस्था हो । अहिले संस्थामा सदस्यहरु बढिरहेका छन् । संस्थाले विगतका वर्षहरुमा पनि साप्ताहिक रुपमा विभिन्न खेलसँगै भेटघाटको कार्यक्रमहरु नियमित गर्दै आइरहेको छ ।

यो संस्थाले विभिन्न समुदायद्धारा आयोजित विभिन्न खेलकुद विशेषगरी भलिबलमा सहभागिता जनाउदै आइरहेको छ । छन्त्याल परिवारले दुईपटक बुद्ध जयन्ती कप र ढोरपाटन रनिङ कप, एकपटक म्याग्दी कप र म्याग्दी जलजला कप, तोरन्ला रनिङ कप, टीका कार्की मेमोरियल कप र होल्मेस पोखरा भलिबल कप जितेका छन् ।

पहिलो संस्करणको छन्त्याल वेल्सन कपमा आयोजक छन्त्याल परिवार नै च्याम्पियन बनेको थियो । ढोरपाटन र तोरन्लामा समान एकपटक उपविजेता बनेका छन् ।

March 24, 2024

दोस्रो गल्कोट कप भलिबल अर्काे साता

सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]

March 23, 2024

फखरउद्दिन र केपी अनुश्री सर्वाेत्कृष्ट

काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]

March 23, 2024

आर्मीमाथि राेमाञ्चक जित निकाल्दै हेल्प नेपाल च्याम्पियन

काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]

Success

Thank you for your time.