दिपेन्द्र पोखरेल टंकी सिवारी (मोरङ) – सातौं राष्ट्रिय खेलकुदमा भलिबलपछि ह्यान्डबल रेफ्रीपनि कुटिएका छन् ।
नेपाली सेनाविरुद्धको समुह चरणको खेल दौरान पश्चिमाञ्चलका खेलाडीले भारतीय रेफ्रीलाई हातपात गरेपछि खेल केही बेर रोकिएको थियो । दोस्रो हाफमा आर्मीले खेलमा अग्रता बनाइरहेको अवस्थामा विवाद भएको थियो ।
विवाद मथ्थर भएर खेल सुरु भएपछि खराब प्रकाशको कारण देखाउँदै पश्चिमाञ्चलका खेलाडीले खेल्न मानेनन् । नियमानुसार पुनः खेलाउँदा पुन सुरुबाटै खेलाउनु पर्ने हुन्छ ।
यसैबीच रेफीमाथी दुर्व्यवहार गरेकाले , पश्चिमाञ्चलका प्रशिक्षक जीवन बस्नेत र तीन खेलाडी विमल अधिकारी, सुरज देवकोटा र प्रतिक भुजेललाई एक बर्षको प्रतिबन्ध लगाइएको छ । मंगलबार पश्चिमाञ्चलकै खेलाडीले भलिबलका रेफ्रीलाई हातपात गरेका थिए ।
