न्युटनमाथि ढोरपाटनको रोमाञ्चक जित

काठमाडौं (हाम्रो खेलकुद) – ढोरपाटन भलिबल प्रशिक्षण केन्द्रले काठमाडौंमा जारी सातौं एनभिए राष्ट्रिय महिला तथा पुरुष क्लब भलिबल च्याम्पियनसिपमा पुरुषतर्फ रोमाञ्चक जित निकालेको छ ।

ढोरपाटनले न्युटन भलिबल एकेडेमीमाथि ३–२ को रोमाञ्चक जित निकालेको हो । त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा बुधबार ढोरपाटनले सुरुवाती दुई सेटमा जित निकालेपनि त्यसपछिको दुवै सेट गुमाउँदा खेल पाँचौ सेटमा लम्बिएको थियो ।

पहिलो र दोस्रो सेटमा क्रमशः २५–२३ र २५–२० को जित निकालेको ढोरपाटनले त्यसपछि दुई सेट क्रमश १८–२५ र २२–२५ ले गुमाएपछि खेल पाँचौ सेटमा लम्बिएको थियो । तर, पाँचौ सेटमा ढोरपाटनले १५–९ को सहज जित निकाल्न सफल भयो ।

यस जितसँगै ढोरपाटनले समूह ‘सी’ मा दुई खेलबाट २ अंक जोडेको छ । पराजित न्युटनले पनि दुई खेलबाट १ अंक जोडेको छ । यो समूहबाट पुलिस ६ अंक जोडेर क्वाटरफाइनलमा पुगिसकेको छ । गण्डकीले १ खेलबाट ३ अंक जोडेको छ ।

आज (बुधबार) पुलिस र गण्डकी, हेल्प नेपाल र केशवलाल तथा जावलाखेल र सैलुङ बााघढुंगा रामेछापबीच प्रतिस्पर्धा हुँदैछ ।

न्युटनमाथि ढोरपाटनको रोमाञ्चक जित

Latest News

Popular News

General

इस्ट बंगालको विजयी सुरुवात

एनपिसी धरान र आयोजक निलो नकआउट चरणमा

एपिएफको सानदार सुरुवात

चर्चित खेलहरु:

उपयोगी लिङ्कहरू

सम्पर्क

सामाजिक संजाल