default_image

2 years ago

January 14, 2023

पुलिसमाथि संघर्षपूर्ण जित निकाल्दै हेल्प नेपाल फाइनलमा

193 views

0 Bookmark

काठमाडौं (हाम्रो खेलकुद) – विभागीय टोली नेपाल पुलिस क्लबमाथि संघर्षपूर्ण जित निकाल्दै टिप टप हेल्प नेपाल स्पोर्ट्स क्लब सातौ एनभिए महिला तथा पुरुष क्लब भलिबल च्याम्पियनसिपको पुरुषतर्फ फाइनलमा प्रवेश गरेको छ ।

शनिबार पुरुषतर्फको दोस्रो सेमिफाइनलमा पुलिसमाथि ३–२ को सेटमा जित निकाल्दै हेल्प नेपालले फाइनलमा साविक विजेता आर्मीसँगको भेट पक्का गरेको हो ।

त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा रोमाञ्चक र प्रतिस्पर्धात्मक बनेको पहिलो सेट हेल्प नेपालले २५–२३ ले आफ्नो पक्षमा पारेको थियो । दोस्रो सेटमा सुरुवातदेखि नै पछि परेको हेल्प नेपालले पूनरागमन प्रयास गरेपनि २४–२६ ले गुमाउन पुग्यो ।

तेस्रो सेटमा भने हेल्प नेपालले २५–१७ को सहज जित निकाल्न सफल भयो । चौथो सेट हेल्प नेपालले २०–२५ ले गुमाउन पुग्यो । तर, निर्णायक तथा पाँचौ सेटको सुरुमा २–० ले पछि पर्नुका बावजुत उत्कृष्ट प्रदर्शन गर्दै हेल्प नेपालले १५–८ को सहज जित निकाल्दै फाइनलमा स्थान बनाउन सफल भयो ।

हेल्प नेपालका पाकिस्तानी मुवासर राजा केल्मी प्लेयर अफ दि म्याच घोषित भए । उनले केल्मी नेपालबाट गिफ्ट ह्याम्पर प्राीत गरे । उनी तेस्रोपटक प्लेयर अफ दिम्याच घोषित भएका हुन् ।

अब हेल्प नेपालले उपाधिका लागि आइतबार साविक विजेता त्रिभुवन आर्मी क्लबसँग प्रतिस्पर्धा गर्नेछ । आर्मीले शनिबारै नेपाल एपिएफ क्लबलाई ३–० को सोझो सेटमा पराजित गरी फाइनलमा स्थान पक्का गरिसकेको छ ।

आइतबार महिला र पुरुष दुवैतर्फको फाइनलसँगै तेस्रो स्थानको लागि प्रतिस्पर्धा हुनेछ । पुरुषतर्फको तेस्रो स्थानको खेल बिहान ८ बजे हुनेछ । महिलातर्फ बिहान १० बजे आर्मी र एपिएफले तेस्रो स्थानको लागि खेल्नेछ ।

१२ बजे महिलातर्फको फाइनलमा डायमण्ड र पुलिसले प्रतिस्पर्धा गर्नेछ । पुरुषतर्फको फाइनल २ बजे हुने आयोजक नेपाल भलिबल संघले जनाएको छ ।

July 22, 2024

रसियासँग नेपालको अर्काे हार

काठमाडौं (हाम्रो खेलकुद) – काभा नेसन्स लिगको तयारीमा रहेको नेपाली महिला राष्ट्रिय भलिबल टोलीले रसियन टोलीसँग अर्काे हार बेहोरेको छ । यससँगै नेपालले दुई मैत्रीपुर्ण खेलकाे सिरिज रसियालाई २–० ले सुम्पिएकाे छ । सोमबार भएको दोस्रो खेलमा नेपाल ३–० को सोझो सेटमा पराजित हुन पुग्यो । यसअघि आइतबार भएको पहिलो खेलमा पनि नेपालले ३–० कै […]

July 18, 2024

एपिएफ र पुलिस विजयी

काठमाडौं (हाम्रो खेलकुद) – ललित स्मृति यु-१८ लिगमा बिहीबार नेपाल एपिएफ क्लब र नेपाल पुलिस क्लब विजयी भएका छन् । लिग सिजनको पहिलो जित दर्ता गर्ने क्रममा एपिएफले सातदोबाटो माथि २-१ को जित हात पारेको हो । जितमा विकास टिटुङ र किशोर गुरुङले १-१ गोल गरे । सातदोबाटोका लागि योहान्ना लिम्बूले अन्तिम समयमा १ गोल […]

July 15, 2024

अर्जेन्टिनालाई कोपा अमेरिका उपाधि

एजेन्सी – अर्जेन्टिनाले कोपा अमेरिका २०२४ को उपाधि जितेको छ । लगातार दोस्रो पटक उपाधि जित्ने क्रममा अर्जेन्टिनाले कोलम्बियालाई अतिरिक्त समयमा १-० ले हराएको हो । अर्जेन्टिनाका लागि लौतारो मार्टीनेजले १ सय १२औं मिनेटमा गोल गरे । ९७औं मिनेटमा मैदान प्रवेश गरेका उनले जियोभानी लो सेल्सोको थ्रु पासमा गोल गर्दै अर्जेन्टिनालाई उपाधि दिलाएका हुन् । […]

Success

Thank you for your time.