काठमाडौं (हाम्रो खेलकुद) – नखिपोट युथ क्लब ब्याडमिन्टन सर्कलको आयोजनमा आइतबारदेखि ललिपुरमा तेश्रो यलम्बर कप तथा प्रथम राष्ट्रब्यापी भेट्रान ब्याडमिन्टन च्याम्पियनसिप सुरु भएको छ ।

आज पहिलो दिनको खेलमा जुनियरतर्फ ब्वाईज यु–१९ को खेलमा एपिएफका क्षितीज खनाल र सेनाका सुनिल जंग कार्कीले जित निकाल्दै अन्तिम १६ मा स्थान बनाएका छन् ।

क्षितीजले सेनाका सुविन श्रेष्ठलाई २१–१३ र २१–१४ ले तथा सुनिलले योङ्गसटर ब्याडमिन्टन क्लबका सम्यक शाक्यलाई २१–११ र २१–९ ले पराजित गरे ।

यस्तै अन्तिम १६ मा प्रवेश गर्ने क्रममा सेनाका सन्तोष पनेरुले देवी नगर ब्याडमिन्टन क्लबका सक्षम ढकालबाट वाकओभर, दाङ्गका अरुण अधिकारीले वाईसीवीसीका रिजन मगरलाई २१–१० र २१–१० को सोझो सेटमा, सेनाका डेभिड थापा मगरले एपिएफका अनिष गुरुङ्गलाई २१–८ र २१–८ ले हराए ।

यस्तै अमन तामाङले मानभवनका संगम मोक्तानलाई २१–९ र २१–११ ले, सुमिनिमाका अविनाष कार्कीले एपिएफका अमन महर्जनलाई २१–१९ र २१–१७ ले, सेनाका अनिल मल्लले वाईसीबीसीका सप्तेन हाङ्ग राईलाई २१–६ र २१–६ ले, सेनाका कविर के.सी.ले गुल्मीका जेनिस थकालीबाट वाक ओभर, कञ्चनपुरका निखिल भट्टले देवनगरका अदिश कार्कीलाई २१–१० र २१–११ ले पराजित गरे ।

यसैगरि राजेश क्षेत्रीले योङ्गस्टरका सुगत शाक्यलाई २१–१४ र २१–११ ले, सेनाका हिमाल चन्दले एपिएफका आरुश सिमखडालाई २१–७ र २१–१० ले, महेष खड्काले सूर्यदर्शनका अमन डङ्गोलबाट वाकओभर, एपिएफका रोशन साउदले सेनाका अभय महरलाई २१–११ र २१–१५ ले, वाईसीबीसीका किरण न्यौपानेले ईन्टरनेशनल ब्याडमिन्टन देव सेन्टरका अक्षत ढुङ्गेललाई २१–२ र २१–७ ले तथा सेनाका नरेन्द्र बमले एपिएफका प्रारम्भ सिमखडालाई २१–११ र २१–१३ ले पराजित गर्दै अन्तिम १६ मा स्थान बनाउन सफल भए ।