default_image

1 year ago

February 11, 2023

प्रिन्स र जेशिका च्याम्पियन

131 views

0 Bookmark

काठमाडौं (हाम्रो खेलकुद) – नेपाल पुलिस क्लबका प्रिन्स दाहाल र एपिएफकी जेशिका गुरुङ प्रथम मुख्यमन्त्री राष्ट्रिय र्‍याङकिङ खुल्ला ब्याडमिन्टन प्रतियोगिताको च्याम्पियन बनेका छन् ।

प्रिन्स पुरुष एकलमा तथा जेशिका महिला एकलमा च्याम्पियन बनेका हुन् । शनिबार भएको फाइनलमा उपाधि जित्ने क्रममा प्रिन्सले त्रिभुवन आर्मी क्लबका प्रफुल महर्जनलाई २३–२१ र २१–१५ ले पराजित गर्दै उपाधी उचाले ।

महिला एकलमा जेशिकाले आर्मीकी अमिता गिरीलाई २१–८ र २१–१५ ले पराजित गर्दै उपाधि जित्न सफल भइन् । उपाधिसँगै प्रिन्स र जेशिकाले समान ५० हजारसहित मेडल, ट्रफी र प्रमाणपत्र प्राप्त गरे ।

उपविजेता बनेको प्रफुल र अमिताले २५ हजारसहित मेडल, ट्रफी र प्रमाणपत्र प्राप्त गरे । पुरुषतर्फ तेस्रो भएका पुलिसका बिष्णु कटुवाल र आर्मीका रुकेश महर्जन तथा महिलाको तेस्रो भएको आर्मीकी रशिला महर्जन र कस्तुरी कलेजकी सिमा राजवंशीले समान १० हजार रुपैयाँ हात पारे ।

सुनसरी जिल्ला ब्याडमिन्टन संघको आयोजनामा भएको प्रतियोगिताको पुरुष युगलतर्फ पुलिसका बिष्णु कटुवाल र प्रिन्स दाहालको जोडीले आर्मीका प्रफुल महर्जन र रुकेश महर्जनको जोडीलाई १९–२१, २१–१३ र २१–१४ ले तथा महिला डबल्समा आर्मीकी अमिता गिरी र रशिला महर्जनको जोडीले एपिएफका जेशिका गुरुङ र सुनयना मुखियाको जोडीलाई २१–१० र २१–९ ले पराजित गर्दै उपाधि हात पारे ।

उपाधिसँगै च्याम्पियन जोडीले समान ३० हजार, ट्रफी, मेडल र प्रमाणपत्र प्राप्त गरे । दोस्रो भएको पुरुष र महिला दुवैको जोडीले १५ हजार र तेश्रो भएका दीपक बोहरा र सुनिल जोशी तथा पुलिसका जीवन आचार्य र एपिएफका बिजीत थापा मगर तथा महिलाको झापाकी अन्जना राई र धनकुटाकी अरुणा तामाङ तथा एपिएफकी शोभा गौचन र पुलिसकी निता लम्सालको जोडीले समान ७ हजार ५ सय सहित मेडल, ट्रफी र प्रमाणपत्र प्राप्त गरे ।

मिक्स युगलतर्फको खेलमा आर्मीका प्रफुल महर्जन र रशिला महर्जनको जोडीले आफ्नै क्लबका पविन लिनथेप र अनुमाया राईको जोडीलाई २१–१० र २१–८ ले पराजित गर्दै उपाधिसँगै ३० हजार प्राप्त गरे । लिनथेप र राईको जोडीले १५ हजार प्राप्त गरे । एपिएफका क्षितीज खनाल र जेशिका गुरुङ तथा पुलिसका जीवन आचार्य र निता लम्सालको जोडीले समान ७ हजार ५ सय प्राप्त गरे ।

भेट्रान ४५ बर्ष माथिको स्पर्धामा सागर फिडका भजनलाल चौधरी र श्याम लामाको जोडीले स्पोर्टस् हवका सन बहादुर साम्बा र लाक्पा शेर्पाको जोडीलाई १५–२१, २१–१८ र २१–१८ ले पराजित गदै उपाधि जित्न सफल भए । उनीहरुले २० हजार रुपैयाँ प्राप्त गरे । दोस्रो भएको जोडीले १० हजार तथा तेस्रो भएको तेह्रथुमका गोपाल खापुङ र मदन लिम्बुको तथा दीपक आङदेम्बे र बिकास श्रेष्ठको जोडीले समान ५ हजार पाए ।

भेट्रान ५५ बर्ष माथि सुनसरीका गणेश राई र भोजपुरका दान बहादुर तामाङको जोडीलाई पराजित गर्दै गुहाटीका बास्तव नियोग र धादिङका बिष्णु लाल श्रेष्ठको जोडीले बाजी मारे । नियोग र श्रेष्ठको जोडीले राई र तामाङको जोडीलाई २१–१० र २१–१९ ले पन्छाए ।

मोरङका कुमार घले र सुनरीका भोज राज रखालको जोडी तथा कास्कीका रमेश भट्टचनक र ललितपुरका दिल बहादुर कदङ्गवाको जोडी संयुक्त तेश्रो भए । बिजयी जोडीले २० हजार, उपविजयी जोडीले १० हजार र तेश्रो हुने जोडीले समान ५ हजार पाए ।

छात्र यु–११ तर्फको खेलमा एपिएफका आरुष सिमखडाले भोजपुरका तयाबुङ राईलाई २१–१० र २१–१३ ले पराजित गर्दै बिजयी भए । आर्मीका दीप थिङ र सप्तरीका संगम राउत तेस्रो भए । छात्रातर्फ कास्कीकी निभा राईले भोजपुरकी रितु तामाङबाट रिटायर्ड हर्ट भएपश्चात खेल जितिन् । तेश्रो स्थानमा बेलटार ब्याडमिन्टन एकेडेमीकी ईशिता खत्री र सुनसरीकी रिश्ता रावल रहे । बिजयीले १३ हजार, उपविजयीले नगद ७ हजार र तेस्रोले समान ३ हजार ५ सय पाए ।

यु १३ छात्रतर्फ आर्मीका रिजन मगरले एपिएफका आरुष सिमखडालाई २१–१७ र २१–१२ ले पराजित गर्दै उपाधी उचाले । काठमाण्डौ ब्याडमिन्टन एकेडेमीका प्रवल श्रेष्ठ र तनहुका सफल भुजेल तेस्रो भए ।

छात्रातर्फ आर्मीकी रिहाना शेरचनले आफ्नै क्लबकी टिसारानी शाक्यलाई रिटायर्ड हर्टमै पराजि तगरिन् । आर्मीकी समृद्धि श्रेष्ठ र कास्कीकी निभा राई तेस्रो भइन् । विजयीले १५ हजार, उपविजयीले ८ हजार र तेश्रोले समान ४ हजार पाए ।

यु १५ छात्रतर्फ सेनाका कविर केसीले एपिएफका अरुण अधिकारीलाई २१–१२ र २१–१४ ले पराजित गर्दै उपाधी उचाले ।सुनसरीका संगम गिरी र कैलालीका शिषिर राना तेस्रो भए ।

छात्रातर्फ आर्मीकी टिसारानी शाक्य घाईते भएर खेल छोडे पश्चात सेनाकी रिहाना शेरचनले स्वतः प्रतियोगिता जितिन् । बेलटार ब्याडमिन्टन एकेडेमीकी बिकिता आचार्य र कास्कीकी निभा राई तेस्रो भइन् । विजयीले १७ हजार, उपविजयीले ९ हजार र तेश्रोले समान ४ हजार ५ सय प्राप्त गरे ।

बिजयी खेलाडीहरुलाई नेकपा एमाले १ नं. प्रदेश सभा सदस्य तथा सचेतक माननिय रेवती रमण भण्डारी, नेपाल ब्याडमिन्टन संघका अध्यक्ष रामजी बहादुर श्रेष्ठ, उपाध्यक्ष चन्द्र शेखर लामा, सुनसरी जिल्ला ब्याडमिन्टन संघका अध्यक्ष प्रतिक श्रेष्ठ लगायतले पुरस्कृत गरे ।

June 15, 2024

कुशलले दक्षिण अफ्रिकाको दोस्रो विकेट लिए

किङ्कटाउन (हाम्रो खेलकुद)– नेपालले दक्षिण अफ्रिकाको दोस्रो विकेट लिएको छ । कुशल भुर्तेलले १२ औं ओभरको दोस्रो बलमा कप्तान एडियन मार्कक्रमलाई बोल्ड गराएपछि दक्षिण अफ्रिका ६८/२ मा छ । दक्षिण अफ्रिका विरुद्ध टि ट्वान्टी विश्वकपको समूह चरणको खेलमा मध्यम सुरुवात गरेको छ । १० ओभरको समाप्तीमा दक्षिण अफ्रिकाले १ विकेटको क्षतिमा ५७ रन बनाएको छ […]

June 10, 2024

छन्त्याल र ढोरपाटनलाई भलिबल उपाधि

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]

June 9, 2024

अष्ट्रेलियाले इंग्ल्यान्डलाई हरायो

एजेन्सी – अष्ट्रेलियाले आइसीसी टि२० विश्वकप अन्तर्गत समूह बी को खेलमा इंग्ल्यान्डलाई पराजित गरेको छ । प्रतियोगितामा लगातार दोस्रो जित हासिल गरेको अष्ट्रेलियाले ३६ रनको जित दर्ता गर्यो । बार्बाडसमा पहिलो ब्याटिङको निम्तो पाएको अष्ट्रेलियाले २० ओभरमा ७ विकेट गुमाएर २ सय १ रन जोडेको थियो । अष्ट्रेलियाका कुनैपनि ब्याटरले ४० रन कटाएनन् तर आक्रामाक […]

Success

Thank you for your time.