1 year ago
February 14, 2023
काठमाडौं (हाम्रो खेलकुद) – नेपाल पुलिसका प्रिन्स दाहाल र आर्मीका रुकेश महर्जनले बिराटनगरमा जारी ‘लिनिङ १२औं पुष्पलाल स्मृति राष्ट्रिय वरीयता ब्याडमिन्टन प्रतियोगितामा दोहोरो सफलता हात पारेका छन् । राष्ट्रिय च्याम्पियन प्रिन्सले पहिलो खेलमा कास्कीका विधान अधिकारीलाई २१–१७ र २१–११ ले तथा अर्को खेलमा पुलिसकै पूर्ण बोहराबाट वाकओभर प्राप्त गर्दै दोहोरो सफलता पाएका हुन् । नेपाल […]
काठमाडौं (हाम्रो खेलकुद) – नेपाल पुलिसका प्रिन्स दाहाल र आर्मीका रुकेश महर्जनले बिराटनगरमा जारी ‘लिनिङ १२औं पुष्पलाल स्मृति राष्ट्रिय वरीयता ब्याडमिन्टन प्रतियोगितामा दोहोरो सफलता हात पारेका छन् ।
राष्ट्रिय च्याम्पियन प्रिन्सले पहिलो खेलमा कास्कीका विधान अधिकारीलाई २१–१७ र २१–११ ले तथा अर्को खेलमा पुलिसकै पूर्ण बोहराबाट वाकओभर प्राप्त गर्दै दोहोरो सफलता पाएका हुन् ।
नेपाल ब्याडमिन्टन संघको शीर्ष १६ वरीयतामा रहेका खेलाडीहरुको पुरुष एकलतर्फको अर्को खेलमा त्रिभुवन आर्मी क्लका रुकेश महर्जनल पनि दोहोरो सफलता प्राप्त गरेका छन् । महर्जनले पहिलो खेलमा कास्कीका भूगोल गुरुङबाट वाकओभर प्राप्त गर्दा दोस्रो खेलमा एपिएफका रोशन साउदलाई २१–११ र २१–१३ ले पराजित गरे ।
पुलिसका बिष्णु कटुवालले पनि दोहोरो सफलता हात पारे । एपिएफका रोशन साउदलाई २१–१३ र २१–१४ ले हराएको बिष्णुले कास्कीका भूगोल गुरुङबाट वाक ओभर पाए । यस्तै पहिलो खेलमा एपिएफका बिजीत थापा मगरलाई २१–१९ र २२–२० ले तथा पुलिसका दीपक बोहरालाई २१–९ र २३–२१ ले पराजित गर्दै एपिएफका देवराज रानाले पनि दोहोरो सफलता प्राप्त गरे ।
पुलिसका जीवन आचार्यले पहिलो खेलमा पुलिसकै पुर्ण बहादुर थापाबाट वाक ओभर प्राप्त गर्दा दोस्रो खेलमा कास्कीका विधान अधिकारीसँग १७–२१ र १७–२१ ले पराजित भए । एपिएफका क्षितिज खनालले पुलिसका दीपक बोहरालाई २१–१५ र २१–१२ ले तथा एपिएफका बिजीत थापा मगरलाई २१–१२ र २१–१० ले पराजित गर्दै दोहोरो सफलता पाए ।
पुलिसका सुनील जोशीले आर्मीका नरेन्द्र बमलाई २१–७, १४–२१ र २१–१४ ले र दोश्रो खेलमा आर्मीकै अनिल मल्ललाई २२–२० र २१–९ पराजित गरे । आर्मीका प्रफुल महर्जनले आफ्नै क्लबका अनिल मल्ललाई २१–६ र २१–१० ले तथा दोश्रो खेलमा आर्मीकै नरेन्द्र बमलाई २१–८ र २१–७ ले पराजित गर्दै दोहोरो जित निकाले ।
नेपाल खेलकुद महासंघ अन्तरगतको राष्ट्रिय ब्याडमिन्टन संघ नेपालको आयोजना तथा मोरङ जिल्ला ब्याडमिन्टन संघको सहआयोजनामा भएको प्रतियोगिताको शीर्ष १२ वरीयतामा रहेको महिला एकलतर्फको खेलमा राष्ट्रिय च्याम्पियन आर्मीकी रशिला महर्जनले कैलालीकी अनिला सुनारलाई २१–७ र २१–७ को सोझो सेटमा पराजित गरिन् ।
आर्मीकै अमिता गिरीले कन्चनपुरकी निलम महराबाट रिटायर्डहर्टको आधारमा जित पाईन् । एपिएफकी जेशिका गुरुङले मोरङकी सिमा राजवंशीबाट वाकओभर प्राप्त गरिन् । प्रतियोगिताको प्रदेश नं. १ का खानेपानी, सिंचाई तथा उर्जा मन्त्री माननिय तिलकुमार मेन्याङ्गबो लिम्बुले एक कार्यक्रमविच उद्घाटन गरेका थिए ।
नेपाल ब्याडमिन्टन संघको प्राविधिक सहयोग रहने प्रतियोगितामा शीर्ष १६ वरीयतामा रहेका पुरुष एकल, शीर्ष १२ वरीयतामा रहेका महिला एकल, शीर्ष १६ वरीयता बाहेकका पुरुष एकल, शीर्ष १२ वरीयता बाहेकका महिला एकल, पुरुष र महिला युगल, यु–१७ छात्र र छात्रा एकल, भेट्रान ४५ बर्ष माथी र ५५ बर्ष माथी गरि १० विधामा करिव २०६ खेलाडीहरुको सहभागिता रहेको छ ।
करिव २४ लाख ८४ हजारको लागत रहेको प्रतियोगिताको पुरस्कार राशी ५ लाख ९८ हजार रहेको छ । जस अन्तरगत शिर्ष १६ बरियता पुरुष र शिर्ष १२ बरियता महिला तर्फको खेल लिग कम नकआउटका आधारमा हुने छ । यस विधामा खेल्ने खेलाडीहरुले खेलमा सहभागिता जनाउने बित्तीकै नगद १ हजार ५ सय प्राप्त गर्नेछन् ।
यसैगरि लिग चरणमा प्रत्येक जित बापत थप १ हजार ५ सय प्राप्त गर्नेछन् । क्वाटरफाईनल जित्ने खेलाडीले थप ८ हजार प्राप्त गर्नेछन् । सेमिफाईनल जित्ने खेलाडीले थप १६ हजार जित्नेछन् भने फाईनल जित्ने खेलाडीले थप २० हजार र उपविजेताले थप ५ हजार प्राप्त गर्ने छन् ।
यस्तै उच्च बरियता बाहेकका महिला र पुरुष एकल, महिला र पुरुष युगल, भेट्रान ४५ बर्ष माथि र ५५ बर्ष माथिका प्रथम, द्वितीय र तृतीय हुने खेलाडीहरुले क्रमशः नगद २० हजार, १० हजार र ५ हजार तथा यु–१७ छात्र तथा छात्रा एकल तर्फका प्रथम, द्वितीय र तृतीय हुने खेलाडीहरुले क्रमशः १५ हजार, ८ हजार र ४ हजार नगदका साथै मेडल, ट्रफी र प्रमाणपत्र प्राप्त गर्नेछन् ।
March 24, 2024
सिड्नी (हाम्रो खेलकुद) – अस्ट्रेलियाको सिड्नीमा अर्काे साता दोस्रो गल्कोट कप भलिबल प्रतियोगिता आयोजना हुने भएको छ । अस्ट्रेलियामा रहेका बागलुङस्थित गल्कोटबासीको सक्रियतामा स्थापना भएको गल्कोट समाज अस्ट्रेलिया (जिएसए) को आयोजनामा अर्काे साता अर्थात मार्च ३१ तारिखमा एकदिने पुरुष भलिबल प्रतियोगिता आयोजना हुन लागेको हो । एक दिने प्रतियोगिता सिड्नीको ओवर्नस्थित ओवर्न बास्केटबल सेन्टरमा हुनेछ […]
March 23, 2024
काठमाडौं (हाम्रो खेलकुद) – च्याम्पियन टिप टप हेल्प नेपाल स्पोर्ट्स क्लबका पाकिस्तानी स्पाइकर फखरउद्दिन र एभरेस्ट भलिबल क्लबकी भारतीय स्पाइकर केपी अनुश्री आठौं आरबीबी एनभिए महिला तथा पुरुष भलिबल च्याम्पियनसिपको सर्वोत्कृष्ट खेलाडी चुनिएका छन् । फखरउद्दिन र केपी अनुश्रीले आ–आफ्नो टोलीलाई च्याम्पियन बनाउन महत्वपूर्ण भुमिका निभाएका थिए । फाइनलमा आफ्ना सहयात्री उस्मान फरयाद अलीले प्रदर्शन […]
March 23, 2024
काठमाडौं (हाम्रो खेलकुद) – विभागीय त्रिभुवन आर्मी क्लबमाथि रोमाञ्चक र प्रतिस्पर्धात्मक जित निकाल्दै टिप टप हेल्प नेपाल आठौं आरबीबी एनभिए महिला तथा पुरुष भलिबल च्याम्पियनसिपको पुरुषतर्फ च्याम्पियन बनेको छ । तीन पाकिस्तानी र घरेलु भलिबलका चर्चित खेलाडीसम्मिलित हेल्प नेपालले आर्मीमाथि ३–२ को रोमाञ्चक र प्रतिस्पर्धात्मक जित निकाल्दै लगातार च्याम्पियन बन्न सफल भएको हो । त्रिपुरेश्वरस्थित […]