default_image

1 year ago

February 17, 2023

प्रिन्स र बिष्णु सेमिफाइनलमा

105 views

0 Bookmark

विराटनगर (हाम्रो खेलकुद) – नेपाल पुलिस क्लबकाद्धय प्रिन्स दाहाल र बिष्णु कटुवाल विराटनगरमा जारी ‘लिनिङ १२औं पुष्पलाल स्मृति राष्ट्रिय वरीयता ब्याडमिन्टन प्रतियोगिताको शीर्ष १६ वरीयता भित्र रहेका पुरुष एकलतर्फ सेमिफाइनलमा प्रवेश गरेका छन् ।

बिष्णुले एपिएफका देवराज रानालाई २४–२२ र २१–१० ले तथा प्रिन्सले पुलिसकै सुनिल जोशीलाई २१–११ र २१–८ ले पराजित गर्दै अन्तिम चारमा स्थान पक्का गरेका हुन् । यस्तै त्रिभुवन आर्मी क्लबका प्रफुल महर्जन र रुकेश महर्जनले पनि सेमिफाइनलमा स्थान पक्का गरेका छन् ।

प्रफुलले कास्कीका बिधान अधिकारीलाई २१–१४ र २१–१२ र रुकेशले एपिएफका क्षितीज खनाललाई २२–२० र २१–१३ ले पराजित गरे । फाइनल प्रवेशका लागि बिष्णु र प्रफुल तथा र प्रिन्स र रुकेशबीच प्रतिस्पर्धा हुनेछ ।

पाल खेलकुद महासंघ अन्तरगतको राष्ट्रिय ब्याडमिन्टन संघ, नेपालको आयोजनमा भएको प्रतियोगिताको शीर्ष १२ वरीयताको महिला एकलतर्फ राष्ट्रिय च्याम्पियन आर्मीकी रशिला महर्जनले एपिएफकी सुनयना मुखियालाई २१–१६ र २१–१३ ले पराजित गर्दै सेमिफाईनलमा एपिएफकी जेशिका गुरुङसँगको भेट पक्का गरेकी छिन् ।

इटहरीमा सम्पन्न राष्ट्रिय प्रतियोगितामा पनि दुईबीच सेमिफाईनलमा प्रतिस्पर्धा भएकोमा जेशिकाले जित हात पारेकी थिईन् । यस्तै अर्को प्रतिस्पर्धामा आर्मीकी अनुमाया राईले पुलिसकी निता लम्साललाई २१–१६ र २१–१५ ले पराजित गरि सेमिफाईनलमा आर्मीकै प्राथना देउवासँग भेट पक्का गरिन् । प्राथनाले आर्मीकै अमिता गिरीबाट वाकओभर प्राप्त गरिन् ।

पुरुष एकलतर्फ शीर्ष १६ वरीयताबाहेकमा आर्मीका हिमाल चन्दले एपिएफका अमन महर्जनलाई २१–१८ र २२–२० ले तथा आर्मीका पविन लिनथेपले एपिएफका अरुण अधिकारीलाई २१–१८ र २१–८ ले पराजित गर्दै सेमिफाईनल भेट पक्का गरे ।

अर्को खेलमा एपिएफका प्रनिश सिंह ठकुरीले मोरङका विवेक चौधरीलाई २१–८ र २१–१८ ले तथा एपिएफका सुजन थापाले उदयपुरका विनय चौधरीलाई २१–१४, २०–२२ र २१–५ ले पराजित गर्दै सेमिफाइनलमा स्थान बनाए ।

पुरुष यु–१७ तर्फ एपिएफका रोशन साउद, ललितपुरका लक्ष्मण राना, दाङका सनौला रैनी र आर्मीका अनिल मल्ल सेमिफाईनल प्रवेश गरेका छन् ।

यस्तै महिलातर्फ आर्मीर्की रिहाना शेरचन, कास्कीकी निभा राई, आर्मीकी टिशा रानी शाक्य र ताप्लेजुङकी नुमा लिम्बु सेमिफाइनलमा पुगेका छन् ।

५५ बर्ष माथिको युगलतर्फ सुनसरीका गणेश राई र भोजपुरका दान बहादुर तामाङको जोडी, कास्कीका रमेश भट्टचन र खोटाङका दीपक राईको जोडी, पाँचथरका रामराज आङदम्बे र सञ्जय भक्तराजको जोडी तथा बिबिसीका केशव कार्की र आरके सिंहको जोडी सेमिफाइनलमा पुगेका छन् ।

June 17, 2024

बंगलादेशविरुद्ध जितका लागि नेपाललाई १ सय ७ रनको लक्ष्य

किंग्सटाउन (हाम्रो खेलकुद) – आइसिसी टि-२० विश्वकप अन्तर्गत समूह चरणको अन्तिम खेलमा नेपालले टेस्ट राष्ट्र बंगलादेश विरुद्ध १ सय ७ रनको लक्ष्य पाएको छ । टस हारेर पहिला ब्याटिङको निम्तो पाएको बंगलादेशले निर्धारित २० ओभरमा विकेट गुमाउँदै १ सय ६ रन बनाएपछि नेपालले सो लक्ष्य पाएको हो । दक्षिण अफ्रिका विरुद्ध १ रनको झिनो हार […]

June 15, 2024

कुशलले दक्षिण अफ्रिकाको दोस्रो विकेट लिए

किङ्कटाउन (हाम्रो खेलकुद)– नेपालले दक्षिण अफ्रिकाको दोस्रो विकेट लिएको छ । कुशल भुर्तेलले १२ औं ओभरको दोस्रो बलमा कप्तान एडियन मार्कक्रमलाई बोल्ड गराएपछि दक्षिण अफ्रिका ६८/२ मा छ । दक्षिण अफ्रिका विरुद्ध टि ट्वान्टी विश्वकपको समूह चरणको खेलमा मध्यम सुरुवात गरेको छ । १० ओभरको समाप्तीमा दक्षिण अफ्रिकाले १ विकेटको क्षतिमा ५७ रन बनाएको छ […]

June 10, 2024

छन्त्याल र ढोरपाटनलाई भलिबल उपाधि

सिड्नी (हाम्रो खेलकुद) – छन्त्याल परिवार अस्ट्रेलिया (सिपिए) र ढोरपाटन क्लब अस्ट्रेलियाले मोना एकदिने पुरुष तथा महिला भलिबलको उपाधि जितेका छन् । छन्त्याल पुरुषमा तथा ढोरपाटन महिलामा च्याम्पियन बनेका हुन् । छन्त्याल परिवारले आयोजक म्याग्दी प्रवासी नेपाली संघ (मोना) अस्ट्रेलियालाई ३–२ को सेटमा पराजित गर्दै उपाधि जित्न सफल भएको हो । ओबर्न बास्केटबल सेन्टर लिडकममा […]

Success

Thank you for your time.