default_image

1 year ago

February 18, 2023

प्रिन्स र जेशिका फाइनलमा

119 views

0 Bookmark

विराटनगर (हाम्रो खेलकुद) – नेपाल पुलिस क्लबका प्रिन्स दाहाल र एपिएफकी जेशिका गुरुङ विराटनगरमा जारी लिनिङ्ग १२औं पुष्पलाल स्मृति राष्ट्रिय वरीयता ब्याडमिन्टन प्रतियोगिताको एकलतर्फ फाइनलमा प्रवेश गरेका छन् ।

नेपाल ब्याडमिन्टन संघको शीर्ष १६ वरीयता भित्रको पुरुष एकलतर्फ प्रिन्सले त्रिभुवन आर्मी क्लबका रुकेश महर्जनलाई २१–९ र २१–१७ ले पराजित गर्दै फाइनल यात्रा तय गरेका हुन् । अब उपाधिका लागि प्रिन्सले आर्मीका प्रफुल महर्जनसँग प्रतिस्पर्धा गर्नेछन् ।

प्रफुलले पुलिसका बिष्णु कटुवाललाई २१–१८ र २१–७ ले पराजित गर्दै उपाधि नजिक पुगेका छन् । गत साता इटहरीमा भएको मुख्यमन्त्री राष्ट्रिय वरीयता ब्याडमिन्टन प्रतियोगितामा प्रफुललाई पराजित गर्दै प्रिन्सले उपाधि जितेका थिए ।

यस्तै महिला शीर्ष १२ वरीयताभित्रको एकलतर्फ मुख्यमन्त्री राष्ट्रिय वरीयता ब्याडमिन्टन प्रतियोगिताकी उपाधि विजेता एपिएफकी जेशिका गुरुङले पुनः एकपटक राष्ट्रिय च्याम्पियन रसिला महर्जनलाई १४–२१, २१–१६ र २१–१२ ले पराजित गर्दै फाईनलमा आर्मीकी अनुमाया राईसँगको भेट पक्का गरेकी छिन् । अनुले फाइनल प्रवेश गर्ने क्रममा आर्मीकै प्राथना देउवालाई २१–१२ र २१–११ ले पराजित गरिन् ।

पुरुष एकलको शीर्ष १६ वरीयता बाहेकको स्पर्धामा आर्मीका पविन लिनथेप र एपिएफका सुजन थापा उपाधि नजिक पुगेका छन् । पविनले आर्मीकै हिमाल चन्दलाई २१–१९, १३–२१ र २१–१९ ले तथा थापाले एपिएफकै प्रनिश सिंह ठकुरीलाई २१–१८, १७–२१ र २१–६ ले पराजित गरे ।

महिला शीर्ष १२ बाहेकको स्पर्धामा आर्मीकी बिष्णा बिष्टले पाँचथरकी रिना तामाङलाई २१–१५ र २१–१३ ले पराजित गर्दै फाइनलमा पुगिन् । अब उपाधिका लागि बिष्णाले झापाकी अन्जना राईसँग प्रतिस्पर्धा गर्नेछिन् ।

राईले आर्मीकी टिशा रानी शाक्यलाई २१–६ र २१–१३ ले पराजित गरिन् । पुरुष यु१७ तर्फको प्रतिस्पर्धामा एपिएफका रोशन साउद र आर्मीका अनिल मल्ल विच उपाधीका लागि प्रतिस्पर्धा गर्नेछन् । रोशनले आर्मीका कविर केसीलाई २१–१३, १९–२१ र २१–१५ ले तथा मल्लले दाङका सनौला रैनीलाई २१–१५ र २१–१५ ले पराजित गरे ।

महिला यु १७ तर्फ आर्मीकी रिहाना शेरचनले कास्कीकी निभा राईलाई २१–१४ र २१–१३ ले तथा आर्मीकी टिशा रानी शाक्यले ताप्लेजुङकी नुमा लिम्बुलाई २१–१९ र २१–११ ले पराजित गर्दै फाइनलमा स्थान बनाइन् ।

पुरुष युगलतर्फ एपिएफका बिजीत थापा मगर र पुलिसका जीवन आचार्यको जोडी तथा पुलिसका बिष्णु कटुवाल र प्रिन्स दाहालको जोडी फाइनलमा पुगेका छन् । महिला युगलतर्फ एपिएफकी शोभा गौचन र पुलिसकी निता लम्सालको जोडी तथा आर्मीकी प्राथना देउवा र अनुमाया राईको जोडी फाईनल प्रवेश गरेका छन् ।

पुरुष ४५ बर्ष माथि काठमाडौंका संजय कपाली र श्याम लामाको जोडी तथा कास्कीका राजेश गुरुङ र बाँकेका अनिल लाखेको जोडी फाइनलमा पुगेका छन् ।

पुरुष ५५ बर्ष माथिको प्रतिस्पर्धामा पाँचथरका रामराज आङ्गदम्बे र संजय भक्तराजको जोडी तथा कास्कीका रमेश भट्टचन र खोटाङका दीपक राईको जोडीले फाइनल खेल्नेछन् ।

May 19, 2024

सुमित्रा र राजनलाई वान रन हाफ म्याराथन उपाधि

ललितपुर (हाम्रो खेलकुद)- सुमित्रा चौधरी र राजन रोकायाले पहिलो वान रन अन्तर्राष्ट्रिय हाफ म्याराथन उपाधि जितेका छन्। आइतबार भएको हाफ म्याराथनको महिलातर्फ सुमित्राले १ घण्टा ३४ मिनेट २६ सेकेन्डमा दौड पूरा गरिन् । पुष्पा भण्डारी १ घण्टा ४२ मिनेट ५४ सेकेन्डमा दौड पूरा गर्दै दोस्रो भइन् । मञ्जु सुनार २ घण्टा ३ मिनेट ८ सेकेन्डको‌ […]

May 18, 2024

सिता ललितपुर मेयर्स कपमा उत्कृष्ट खेलाडी घोषित

काठमाडौं (हाम्रो खेलकुद) – उपाधि विजेता नेपाल एपिएफ क्लबकी कप्तान तथा अल-राउण्डर सिता राना मगर ललितपुर मेयर्स टि-२० च्याम्पियनसिप २०२४ को उत्कृष्ट खेलाडी घोषित भएकी छन् । एपिएफले चौथो पटक उपाधि प्रतियोगितामा सिता अल-राउण्ड प्रदर्शनका साथ उत्कृष्ट खेलाडी घोषित भएकी हुन् । सिताले प्रतियोगितामा ५ खेलमा १४२ रन प्रहार गर्नुका साथै ४ विकेट समेत लिन […]

May 16, 2024

कोशीको अन्तिम खेलमा पहिलो जित

काठमाडौं (हाम्रो खेलकुद) – ललितपुर मेयर्स कप २०८१ को आफ्नो अन्तिम खेलमा कोशी प्रदेशले सान्त्वना जित दर्ता गरेको छ । पहिलो जित दर्ता गर्ने क्रममा कोशीले आयोजक ललितपुर मेयर्स-११ लागि ६ विकेटले पराजित गरेको हो । ललितपुरले दिएको ८९ रनको लक्ष्य कोशीले १८औं ओभरको अन्तिम बलमा ४ विकेट गुमाएर भेटायो । कोशिका लागि ओपनर काजल […]

Success

Thank you for your time.