काठमाडौं (हाम्रो खेलकुद) – काठमाडौंको सानोभ¥याङमा अवस्थित स्वस्तिश्री गुरुकुल आइवी वल्र्ड स्कुलले अन्तर विद्यालय फुटसल प्रतियोगिताका विजयी टोली तथा खेलाडीलाई पुरस्कृत गरेका छन् ।

१४ फागुनदेखि पाँच दिनसम्म सञ्चालन भएको प्रतियोगितामा विभिन्न १२ विद्यालयका यू–१३ ब्वाइज, यू–१६ ब्वाइज र गल्समा प्रतिस्पर्धा भएको थियो ।

यू–१६ गल्समा आयोजक स्वस्तिश्री पहिलो, नेक्सस दोस्रो तथा एभिएस तेस्रो भएको थियो । ब्वाइजमा नेक्सस पहिलो, आयोजक स्वस्तिश्री दोस्रो तथा आर्या एकेडेमीले तेस्रो स्थान हासिल गरेको थियो । यस्तै यू–१३ ब्वाइजमा रिब्स स्कुल प्रथम, किड्स् लर्निङ स्कुल द्वितीय र एक्सेल्सियर स्कुल तृतीय भएका थिए ।

यू–१६ गल्समा नेक्ससकी सोभियना ढकाल सर्वाेत्कृष्ट खेलाडी घोषित भइन् । स्वस्तिश्रीकी शुभाना मानन्धर गोलरक्षक र स्वस्तिश्रीकै शर्भानी सुवेदीसर्वाधिक गोलकर्ता चुनिइन् ।

यू–१६ ब्वाइजमा स्वस्तिश्रीका कृपल गिरी सर्वाेत्कृष्ट भए । नेक्ससका निहान्त राना गोलरइाक तथा नेक्ससकै कृष्ण बहादर आले सर्वाधिक गोलकर्ता भए ।

यू–१३ ब्वाइजमा किड्स लर्निङ स्कुलका रेहान बास्कोटा सर्वाेत्कृष्ट, रिब्सका आयुष केसी गोलरक्षक तथा एक्सेल्सियरका सुवेग पाण्डे सर्वाधिक गोलकर्ता चुनिए ।

विजयी टोली तथा खेलाडीलाई राष्ट्रिय खेलकुद परिषद्का उपाध्यक्ष शिव कोइराला, नेपाल स्कूल स्पोर्टस् फेडेरेसनका अध्यक्ष प्रदीप जोशी, अखिल नेपाल फुटवल संघका पूर्व सदस्य दिनेश व्यञ्जनकार, नागार्जुन प्याब्सनका अध्यक्ष वासु घिमिरे, नेपाली राष्ट्रिय फुटवल टिमका पूर्व कप्तान तथा विद्यालयका फुटवल एम्बासडर अनिल गरुङ, राष्ट्रिय फुटवल टिमका सदस्य सुजल श्रेष्ठ तथा स्वस्तिश्री एकेडेमीका संयोजक सनोज श्रेष्ठ, विद्यालयकी प्रबन्ध निर्देशक मीना महर्जन चित्रकार, विद्यालयकी प्रिन्सिपल नेहा केसीलगायतले पुरस्कृत गरे ।