1 year ago
April 20, 2023
काठमाडौं (हाम्रो खेलकुद)- बालगोपाल महर्जनले प्रशिक्षण सम्हालेपछि चर्च ब्वाइज युनाइटेड क्लबले पहिलो जित हासिल गरेको छ। दशरथ रंगशालामा बिहीबार साँझ भएको खेलमा सातदोबाटो युथ क्लबलाई २-१ ले हराउँदै जित निकालेको हो । महर्जनले प्रशिक्षण सम्हालेपछि चर्च ब्वाइजले थ्रीस्टार क्लबसँग गोलरहित बराबरी र अर्को खेलमा फ्रेन्ड्स क्लबसँग १-१ को बराबरी खेलेको थियो। मिलन राईको निर्णायक गोलमा […]
काठमाडौं (हाम्रो खेलकुद)- बालगोपाल महर्जनले प्रशिक्षण सम्हालेपछि चर्च ब्वाइज युनाइटेड क्लबले पहिलो जित हासिल गरेको छ।
दशरथ रंगशालामा बिहीबार साँझ भएको खेलमा सातदोबाटो युथ क्लबलाई २-१ ले हराउँदै जित निकालेको हो । महर्जनले प्रशिक्षण सम्हालेपछि चर्च ब्वाइजले थ्रीस्टार क्लबसँग गोलरहित बराबरी र अर्को खेलमा फ्रेन्ड्स क्लबसँग १-१ को बराबरी खेलेको थियो।
मिलन राईको निर्णायक गोलमा चर्च ब्वाइज विजयी भएको थियो । अर्को गोल आशिष चौधरीले गरेका थिए। सातदोबाटोका लागि निरज चौधरीले गोल गरेका हुन् । सातौं मिनेटमा आशिषको गोलबाट चर्च ब्वाइजले अग्रता लिएको थियो। आशिषको पहिलो प्रहारलाई सातदोबाटोका गोलकिपर आभिषेक बरालले रोके पनि पूर्ण रुपमा नियन्त्रणमा लिन नसकेपछि रिबाउन्डमा आशिषले गोल गरेका थिए।
३४ औं मिनेटमा सातदोबाटोका लागि निरजले बराबरी गोल फर्काए थिए। विलियम ओपुकुको कर्नरमा निरजले नजिकबाट हेडमार्फत गोल गरेका हुन्। दोस्रो हाफको पहिलो मिनेटमा नै मिलनले गोल गरेपछि चर्च ब्वाइजले दोस्रो पटक अग्रता बनाएको हो ।
शुसिल शाहको क्रसमा मिलनले पेनाल्टी बक्स भित्रवाट गोल गरेका हुन्। मिलन सुवास गुरुङको सट्टा दोस्रो हाफमा मैदान प्रवेश गरेका थिए । ४८ औं मिनेटमा चर्च ब्वाइजका आशिषको प्रहार बारमा लागेर फर्किदा गोलअन्तर बढाउने मौका खेर गएको थियो।
१० औं खेलपछि चर्च ब्वाइजको १८ अंकसहित दोस्रो स्थानमा उक्लिएको छ । १७ अंक रहेको सातदोबाटो चौथो स्थानमा झरेको छ। आजै पहिलो खेलमा हिमालयन शेर्पा क्लबलाई १-० ले हराएको थ्री स्टार १८ अंकसहित अंक तालिकाको तेस्रो स्थानमा छ । हिमालयन शेर्पा ९ अंकका साथ १३औं स्थानमा छ । २० अंककस साथ जाउलाखेल युथ क्लब शीर्ष स्थानमा छ।
May 2, 2024
काठमाडौं (हाम्रो खेलकुद) – महिला राष्ट्रिय लिगको छनोट प्रतियोगिता अन्तर्गत घरेलु टोली कर्णाली आफ्नो अन्तिम खेलमा गण्डकी प्रदेशलाई पराजित गर्दै राष्ट्रिय लिगमा छनोट भएको छ । विहीबार विहान सुर्खेतको कर्णाली प्रदेश रंगशालामा गण्डकीमाथि २-० को जित दर्ता गर्दै कर्णालीले अंक तालिकाको तेस्रो स्थान पक्का गर्यो । वर्षा ओली र संजिता बम्जनले १-१ गोल गर्दै टोलीको […]
May 2, 2024
एजेन्सी – युरोपेली च्याम्पियन्स लिगको दोस्रो सेमिफाइनलको पहिलो लेगमा जर्मन टोली बोरुसिया डर्टमुण्डले अग्रता लिएको छ । घरेलु मैदानमा बुधबार भएको पहिलो लेगमा डर्टमुण्डले फ्रेन्च टोली पेरिस सेन्ट जर्मेन (पिएसजी) लाई १-० हराएको छ । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरे । डिफेन्स लाइनबाट निको श्लोटरबेकले दिएको उत्कृष्ट पासमा अफसाइड ट्र्याप […]
April 30, 2024
एजेन्सी – युरोपेली च्याम्पियन्स लिगको सेमिफाइनलको पहिलो लेगमा आज स्पेनिश टोली रियल म्याड्रिड र जर्मन टोली बायर्न म्युनिख भिड्दै छन् । बायर्नको घरेलु मैदान आलियान्ज अरिनामा हुने खेल राती १२:४५ बजे सुरु हुनेछ । यी दुई टोली पछिल्लो पटक २०१८ को च्याम्पियन्स लिग सेमिफाइनलमा र २०१७ को क्वाटरफाइनलमा एकअर्का सँग भिडेका थिए । दुवै पटक […]