काठमाडौं (हाम्रो खेलकुद)– नेसनल चेस च्याम्पियनसिपको उपाधि महिलातर्फ फिडे मास्टर सुजना लोहनीले र खुलातर्फ रुपेश जैसवालले जितेका छन् ।

योसँगै सुजना र रुपेशले बंगलादेशमा मेमा आयोजना हुने वल्र्ड च्याम्पियन सर्कल एसियन जोनल ३.२ च्याम्पियनसिपमा स्थान सुरक्षित गरेका गरेका छन् । त्यस्तै उब्जेकिस्तानमा हुने एसियन च्याम्पियनसिप र २०२४ मा हंगेरीको बुडापेष्टमा हुने ४५ औं चेस ओलम्पियाडमा पनि सुजना र रुपेशले देशको प्रतिनिधित्व गर्नेछन् ।

नेपाल बुद्धिचाल महासंघ र लुम्बिनी इभेन्ट म्यानेजमेन्टको संयुक्तरूपमा संचालन भइरहेको च्याम्पियनसिपमा उत्कृष्ट लयमा रहेका रुपेशले शनिबार सातौं चरणको ३४ औं चालमा अर्का फिडे मास्टर क्षितिज भण्डारीसँग बराबरी खेले । उनले आठौं चरणमा दोलखाका राजिव कार्कीलाई रोचक खेलमा हराएका थिए । बराबरी तर्फ अग्रसर खेलमा ५७ औं चालमा राजिवले गलत विश्लेषण गरे । विपक्षीको कमजोरीको फाइदा उठाउन माहिर रुपेशले ६७ औं चालमा राजिवलार्य खेल त्याग्न बाध्य बनाए ।

अन्तिम चरणको खेल बाँकी रहँदा साढे ७ अंकसहित रुपेशले उपाधि पक्का गरेका हुन् । क्षितिजले आठौं चरणमा नेपाल च्याम्पियन पुरुषोत्तम चौलागाईंलाई पराजित गरे । ६ अंकसहित क्षितिज दोस्रो स्थानमा बछन् । पूर्व नेपाल च्याम्पियन सुरवीर लामा र १४ बर्षिय खेलाडी पुरुषोत्तम सिलवाल साढे ५ अंकसहित संयुक्त रुपमा तेस्रो स्थानमा छन् ।

महिलातर्फ सुजनाले मोरङकी शान्ति धिमाललाई पराजित गरिन् भने आठौं चरणमा पर्साकी सुशिला गुरुङसँग बराबरी खेलिन् । राउन्ड रोबिनको आधारमा नवौं चरणसम्म हुने प्रतियोगिताको एक चरणको खेल बाँकी साढे ७ अंकका साथ सुजनलेउपाधि जितेकी हुन् । दिव्यासं मल्टी प्रोडक्सन , रौतहटको मुख्य प्रायोजनमा र रुक्मणी टुर्स एण्ड ट्राभल्सको सह प्रायोजनमा जारी प्रतियोतामा सुशिला गुरुङ र शान्ति धिमालले समान ५ अंक जोडेका छन् ।

सुशिला आठौं चरणमा काठमाडौकी विनिता कपालीसँग पराजित भइन् भने शान्तिले नवौं चरणमा झापाका पूनम प्रसाईंलाई निराश बनाइन् । पूर्व नेपाल च्याम्पियन सिन्दिरा जोशीको साढे ४ अंक र विनिता कपालीको ३ अंक छ । काठमाडौंको ले हिमालय होटलमा जारी प्रतियोगिताको नवौ तथा अन्तिम चरणको खेल आइतबार हुनेछ ।