काठमाडौं (हाम्रो खेलकुद) – नेपाल भलिबल संघले विश्वको सर्वोच्च शिखर सगरमाथा आरोहण गर्न सफल प्रादेशिक भलिबल रेफ्री दावा छिरिङ शेर्पालाई सम्मान गरेको छ ।

संघले किर्गिस्तान जाने पुरुष राष्ट्रिय भलिबल टोलीको बिदाई कार्यक्रम दौरान शेर्पालाई नगद २५ हजार रुपैयाँसँगै सम्मानपत्रले सम्मानित गरेको हो ।

सोलुखुम्बु निवासी शेर्पाले नेपाल भलिबल संघ र भलिबलको अन्तर्राष्ट्रिय संस्था (एफआईभिबी) को झण्डा लिएर बिश्वको सर्वोच्च शिखरको आरोहण पुरा गरेका थिए ।

नेपालको राष्ट्रिय खेल भलिबललाई बिश्वको शिखरमा पु¥याउन सफल भएको र भलिबलको अन्तर्राष्ट्रिय संस्थालाई बिश्व शिखरमा पु¥याएको भन्दै शेर्पालाई संघले सम्मान गरेको हो । उनलाई संघका अध्यक्ष जितेन्द्र बहादुर चन्द र राष्ट्रिय खेलकुद परिषदका सदस्य सचिव टङ्कलाल घिसिङले सम्मानित गरे ।

यस्तै आरोही शेर्पाले आँफुले सगरमाथाको चुचुरोमा पु¥याएको फिभ र नेपाल भलिबल संघ लेखेको र सार्वजनिक गरेको तस्विर संघलाई हस्तान्तरण गरेको छ ।

प्रादेशिक भलिबल रेफ्री दावा छिरिङ शेर्पाले जेठ ९ गते बिहान ११ः३० बजे सगरमाथाको सफल आरोहण गरेका थिए । यससँगै उनी भलिबलबाट सगरमाथाको शिर चुम्ने पहिलो व्यक्ति बनेका छन् ।

उनले सगरमाथा आरोहणको सुरुवात चैत २७ गतेबाट गरेका थिए । सगरमाथाको सफल आरोहणसँगै उनी जेठ ११ गते बेस क्याम्पमा फर्किएका थिए ।

खुम्वु पासाङ गाँउपालिका वडा नम्वर ३ का दावाले २०७७ मा ढोरपाटन स्पोर्ट्स क्लबले काठमाडौंमा ८ दिनसम्म सञ्चालन गरेको प्रादेशिक भलिबल रेफ्री कोर्स उत्तिर्ण गरेका थिए । त्यसबेला उनीसँगै १०७ जनाले प्रादेशिक भलिबल रेफ्री कोर्ष उत्तिर्ण गरेका थिए ।

भलिबल रेफ्री दावाद्धारा सगरमाथाको सफल आरोहण